Sawal la giled’a 13
13
David tin hurum yam tchenda
1Ni sawal la David mi hlat mi hat mi ma ngolâ hi suma hle sawalina.
2Ma didina,
ang mba mar kan hina gagak mindja ge? Ni gak didin ndju?
Ang mba tchok yang kä avoron hina gagak mindja ge?
3An mba ni yor tan hina gagak mindja ge?
An mba ni kak kur djib’era burâ ki burâ hina gagak mindja ge?
Man ma djangûna mba mi tchol akulo á kus kan hina gagak mindja ge?
4Ma didina Alo mana, ang tin irang kanu,
ang hulongôn humba!
ang han ad’enga,
ang aran an mit ti.
5Ar man ma djangûna mi de kan ala,
mi kuzun wa d’i,
ar man suma djangûna a le furîd’a
yam puk manda d’uo mi.
6Wani an nga ni deng tan yam djivi manga,
an nga ni le furîd’a kurun krovo yam sut manga,
an nga ni gileng ki sawala yam djivi d’a ang landjid’a mi.
Currently Selected:
Sawal la giled’a 13: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
