Sawal la giled’a 127
127
Djivid’a hAlonid’a
1Ni sawala hi Salomon nda suma a djak Jerusalem á lü vun tilîna a hlata.
Le Ma didina mi min nga azina d’uo ni,
suma min azina a tchi tazi ni hawa.
Le Ma didina mi ngom nga azì ma ngolâ d’uo ni,
suma a ngomoma a kak ndjola ni hawa mi.
2Agi tchologi akulo yorogo tcholol ni hawa na,
agi tugugi tagi atogo d’uo ni hawa na mi.
Agi nga kid’eyêgi iragi á fe tena.
Ma didina nga mi he tena
mi mam suma mam hurum vazina
ata yima a nga bur senina.
3Gagazi, grona ni he d’a hawad’a hi Ma didinid’a,
gro suma azi nga vud’uzina ni wurak mazid’a mi.
4Sama mi nga ki grona kazongôma,
mi ni d’igi sama dur ayî ma nga ki ir yeûd’a oîd’a aboma na.
5Sama nga mi le furîd’ina ni sama groma ablaud’a
d’igi ir yeûd’a ti nga oîd’a kur aziyat na na,
mba mi mbut zulona ata yima mba mi tchol
avok mam ma djangûna ata yima ka sariyad’ina d’i.
Currently Selected:
Sawal la giled’a 127: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
