Sawal la giled’a 126
126
Sawal la yam hulonga hi Israel-lîd’a
1Ni sawal la suma a djak Jerusalem á lü vun tilîna a hlata.
Kid’a Ma didina mi hulongî
mam suma a yozi magombina avo Siyon-nda,
ami djib’eremi ni d’igi adïd’a dami ni ndat na!
2Ata yi máma siyami nga ngad’a woi ki sanda hina ges,
ami nga hlami sawal la bangâna ki furîd’a mi.
Andjaf suma pet a nga dala:
Ma didina mi lahle suma ndandalâ ki sed’eziya!
3Ma didina mi lahle suma ndandalâ ki sed’eya!
Ei nga kur furîd’a!
4Ma didina, ar ang hulongî
ki mami suma a yozi magombina
d’igi mbiyo ma mi djang abo ma sutnina na.
5Suma a nga zar ki simina irazina,
a mba ze ki sawal la furîd’a.
6Sama nga mi i zar awuna ki tchinina,
mba mi hulongî ki furîd’a,
kawu ma mbugulud’a kam avo mi.
Currently Selected:
Sawal la giled’a 126: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
