Sawal la giled’a 115
115
Alona tu ni ma subura
1Ma didina, subura nga ni mamid’a d’i,
subura nga ni mi ami d’i,
wani ni manga,
yam o mang nga didinda,
yam gagazi manga mi.
2Ni kayam me ba, andjaf suma dingâ a nga dala:
Alo mazina mi nga ni lara ge ge?
3Alo meina mi sä nakulo;
nga mi le vama hurum minima mi.
4Wani alo mazina,
a lazi ni ki kawei ma hapma ki lora;
ni sun nda sana mi lat kabomba.
5Azi nga ki vunaziya, a nga de zla d’i!
Azi nga ki iraziya, a nga we d’i!
6Azi nga ki humaziya, a nga hum mbi!
Azi nga katchinaziya, a nga his si!
7Abozi mi nga, a nga do va d’i!
Asezi mi nga, a nga tit ti!
Sa nga mi humuzi delezi d’uo mi!
8Suma a lazina ki suma a tin huruzi kazina,
a hle tazi ni d’igi azi tazid’a na mi!
9Agi Israel-lâ,
agi tinigi hurugi yam Ma didina;
mam mi ma ndjunugina,
mam mi mbarei magid’a mi.
10Agi suma hi Aron-na,
agi tinigi hurugi yam Ma didina;
mam mi ma ndjunugina,
mam mi mbarei magid’a mi.
11Agi suma nga ringîgi mandara Ma didinina,
agi tinigi hurugi yam Ma didina;
mam mi ma ndjunugina,
mam mi mbarei magid’a mi.
12Ma didina nga mi djib’er keya,
mba mi b’e vunam keya;
mba mi b’e vunam yam andjafâ hi Israel-lîna,
mba mi b’e vunam yam andjafâ hi Aron-na,
13mba mi b’e vunam yam suma a ringîm mandaram
suma gureina ki suma nglona mi.
14Ar Ma didina mi zulugi
sum magina ki suma hi groginina mi!
15Ar Ma didin ma lakulod’a kandagad’ina,
mi b’e vunam kagiya!
16Akulod’a nakulod’a hi Ma didinid’a,
wani mi handagad’a ni mi suma.
17Ni suma a bona ba, a gile Ma didina d’i,
ni suma a kal kä ata yima azulei
ma sa nga mi muzuk kua d’uo na d’uo mi.
18Wani eya, ei mba suburi Ma didina,
ki tchetchemba, gak didin.
Agi gilegi Ma didina!
Currently Selected:
Sawal la giled’a 115: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
