Sawal la giled’a 11
11
David tin hurum yam Ma didina
1Ni sawal la David mi hlat mi hat mi ma ngolâ hi suma hle sawalina.
Ma didina ni ma an ngei tan atama.
Ni nana ba, agi dan ala:
Ang pir i yam ahuniyô mangâ d’igi aleina na ge?
2Gola! Suma asa’atna a nga gan yeû mazid’a,
a nga tinit irat ata ziyot
á yet suma d’ingêrâ kur nduvunda.
3Le gat ta djivid’a hi simiyeîd’a b’lak keyo ni,
sama d’ingêrâ mba mi le ni nana ge?
4Ma didina mi nga kaka kur gong mam mba kud’ora;
zlam mam mba amula sä tinda akulo.
Mi nga mi gol suma yam andagad’ina,
mi nga mi wahle suma azi nga lazina.
5Ma didina nga mi hal hur sama d’ingêrâ,
wani nga mi noî ma asa’atna
ki ma mi min murud’umba heîna woyo.
6Ma didina nga mi yagï gordjona
kakud’a ki sufred’a#11.6 Sufred’a: Nala, Vama tam grumgrum ma ngal kakud’a akulo ngola d’uk yina huwa’â. His mama ni tchod’a. yam suma asa’atna,
nga mi gad’azi ki babar ma bibi’â;
wana ni b’rau d’a mi ngazizi kazid’a.
7Ma didina ni ma d’ingêrâ,
mi min ni sun nda d’ingêra mi;
suma d’ingêrâ a mba wum iram mi.
Currently Selected:
Sawal la giled’a 11: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
