Sawal la giled’a 108
108
Tchen nda kus ayînid’a
(Yam verse ma 2-6-na, ang gol Saw Gil 57.8-12; Yam verse ma 7-14-na, ang gol Saw Gil 60.7-14)
1Wana ni sawal la gile d’a David mi hlata.
2Alo mana, iran ndi d’igil wa,
an mba ni hle sawala,
an mba gileng mi.
3An mba ni hlading mana ki taulâ manda,
an mba ni zlit pipira akulo.
4Ma didina, an mba ni suburung aduk suma,
an mba ni hle sawala á gileng aduk andjaf suma mi,
5kayam o mang nga didinda ti kal akulo hur alona,
gagazi manga ti kal gak ti i do d’ugula mi.
6Alo mana, ang tak ngol mang
nga kal papad’a woi kur akulod’a,
ar subur manga ti b’o woi yam andagad’a pet mi.
7Kayambala ami suma ang le kamina ang sud’umi d’a,
ang humumiya, ang sud’umi kad’eng manga.
8Alona, ang deï zlad’a kur gong mang nga kud’ora ala:
Ayî ma kusa ni mana,
an mba ni b’rau Sikem mbeyo,
an mba ni nga hor ra Sukot-ta ni an mi.
9Galät ni manda, Manase ni manda mi.
Efraim ni djum mba kanda,
Juda ni totogo man nda tamula mi.
10Mowap nangot man nda mbus tanda,
Edom ni yima an tchuk atuguru mana kuana.
An mba ni hle sawal la kus ayîna yam suma Filistê-na.
11Ni nge ba, mba mi in kur azì ma ad’engâ ge?
Ni nge ba, mba mi in kur ambas sa Edom-mba ge?
12Ni ang Alo ma arami woina,
ni ang ma i nga ki b’rang mamid’a
avun ayîna d’uo na d’uo zu?
13Ang mbeï ndjunumiya, ang dur mami suma djangûna,
kayam ndjunda hi sanid’a ndak va d’i.
14Ni ki ang Alona ba, ami mba kuzumi ayîna;
ni ang ba, mba miret mami suma djangûna kä.
Currently Selected:
Sawal la giled’a 108: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
