Ndumba 33
33
Tita hi Israel-lîd’a kid’a a buzugï woi Ezipte-d’a
1Wana ni tita hi Israel-lâ kid’a a buzugï woi Ezipte ata lovod’ot ad’u Moise azi ki Aron-nda. 2Moise mi b’ir tita ki kak mazi d’a a nga kagat ndje ndjed’a d’igi Ma didina mi hum vuna na. Wana ni kak mazi d’a ndje ndje d’a kur tit mazid’id’a.
3Kur bur ma dogo yam vahlâ hi til ma avo’â ma bur ma bugol vun til ma pa’îna, Israel-lâ a tchol Ramses, a buzuk kei ir Ezipte-na, a i ki lafiya. 4Ezipte-na a nga tos suma a vut avo’â pet suma Ma didina mi tchazi adigazina; Ma didina mi ka sariyad’a yam alo mazina mi.
5Israel-lâ a tchol Ramses, a i ve kangâ Sukot. 6A tchol Sukot, a i ve kangâ Etam mba nga avun dabid’a hi fulîd’a. 7A tchol Etam, a hulong kazigazi abo ma Pi-Hahirot-na ngagad’a yam Bäl-Sefon, a i ve kangâ avok Mikdol d’ar.
8A tchol avok Pi-Hahirot d’ar, a djak alum ma ngolâ á i abo ma hur fulîna. A le burâ hindi ki tita hur ful ma Etam-ma, a i ve kangâ Mara. 9A tchol Mara, a mba Elim ata yima golongeî suma laud’a nga kua dogo yam mbà kamulongeîna dok kid’iziyana. Nata yi máma ba, a ve kangâ kua.
10A tchol Elim, a i ve kangâ go kalum ma ngol ma Tchereuna. 11A tchol ata yi máma, a i ve kangâ hur ful ma Sin-na. 12A tchol hur ful ma Sin-na, a i ve kangâ Dofka. 13A tchol Dofka, a i ve kangâ Alus. 14A tchol Alus, a i ve kangâ Refidim ata yima ablaud’a a fe nga mbiyo ma tched’a kua d’uo na. 15A tchol Refidim, a i ve kangâ hur ful ma Sinai-na.
16A tchol hur ful ma Sinai-na, a i ve kangâ Kibrot-Hatava. 17A tchol Kibrot-Hatava, a i ve kangâ Haserot. 18A tchol Haserot, a i ve kangâ Ritma. 19A tchol Ritma, a i ve kangâ Rimon-Peres. 20A tchol Rimon-Peres, a i ve kangâ Libina. 21A tchol Libina, a i ve kangâ Risa. 22A tchol Risa, a i ve kangâ Kehelata. 23A tchol Kehelata, a i ve kangâ yam ahina d’a Safer-ra. 24A tchol yam ahina d’a Safer-ra, a i ve kangâ Harada. 25A tchol Harada, a i ve kangâ Makelot. 26A tchol Makelot, a i ve kangâ Tahat. 27A tchol Tahat, a i ve kangâ Tara. 28A tchol Tara, a i ve kangâ Mitka. 29A tchol Mitka, a i ve kangâ Hasemona.
30A tchol Hasemona, a i ve kangâ Moserot. 31A tchol Moserot, a i ve kangâ Bene-Jakan. 32A tchol Bene-Jakan, a i ve kangâ Hor-Gitgat. 33A tchol Hor-Gitgat, a i ve kangâ Jotbata. 34A tchol Jotbata, a i ve kangâ Abrona. 35A tchol Abrona, a i ve kangâ Esiyon-Geber. 36A tchol Esiyon-Geber, a i ve kangâ hur ful ma Tisin-na, ni Kades. 37A tchol Kades, a i ve kangâ yam ahina d’a Hor ra avun dabid’a hambas sa Edom-mba.
38 Ma ngat buzuna Aron mi djak akulo yam ahina d’a Hor-ra d’igi Ma didina mi hum vuna na. Mi mit kua kolâ kur bur ma avo’â hi til ma vahlîna kur biza d’a dok fid’i d’a bugol buzuk ka Israel-lâ a buzugï woi yam ambas sa Ezipte-d’id’a. 39Ata yima Aron mi mit akulo yam ahina d’a Hor-rina, bizamî kis yam dok mbà yam hindi.
40Amul ma Arat ma Kanan ma nga kaka abo ma sutna hambas sa Kanan-ndina, mi hum ala Israel-lâ a mba.
41A tchol yam ahina d’a Hor-ra, a i ve kangâ Salmona. 42A tchol Salmona, a i ve kangâ Punon. 43A tchol Punon, a i ve kangâ Obot. 44A tchol Obot, a i ve kangâ Ije-Abarim avun haga d’a Mowap-pa.
45A tchol Ije-Abarim, a i ve kangâ Dibon-Gad. 46A tchol Dibon-Gad, a i ve kangâ Almon-Diblatayim. 47A tchol Almon-Diblatayim, a i ve kangâ yam ahuniyô suma Abarim suma avok Nebo d’arâ. 48A tchol yam ahuniyô suma Abarim-ma, a i ve kangâ hur ful la Mowap pa go kalum ma Jurdê-na d’a ngagad’a yam Jeriko d’ara. 49A ve kangâ avun alum ma Jurdê-na, a tinï ad’ud’a Bet-Jesimot dei gak mba Abel-Sitim hur ful la Mowap-pa.
Ma didina he vuna á b’rau Kanan
50Ma didina mi de zlad’a mi Moise hur ful la Mowap pa go kalum ma Jurdê-na d’a ngagad’a yam Jeriko d’ara, mi dala: 51Ang i de mi Israel-lâ ala: Ma didina mi dala: Fata agi djagagi alum ma Jurdê-na á kalagi yam ambas sa Kanan-ndid’a, 52agi digigi suma a nga kaka avorogi yam ambasina woyo, agi togi filei mazi ma ahinad’a woyo, agi togi angus ahle suma azi yorozina woi ki yi mazi ma nding ma tetengâ mi. 53Agi hlagi ambasa, agi kagagi kad’u, kayam an hagizi ti arî magid’a. 54Agi b’rawagi ambasa ni ki togina ad’u andjavagiya. Suma ablauna, agi hazi yina ngola ad’u ablau mazid’a; suma akid’eina, agi hazi yina akid’eid’a ad’u akid’ei mazid’a. Andjaf ma lara pî, mba mi fe ni vama nde kam ki toginina. Agi mba fagizi djona nad’u andjafâ habuyogina.
55Wani le agi digigi nga suma a nga kaka yam ambasina woi d’uo ni, a mba mbut ni d’igi awei d’a tchogogi iragid’a na d’igi leleu ma tchogogi fefed’egina na mi. Azi mba mbut ni magi suma djangûna yam ambas sa agi i kagagi kua wanda. 56Ni agi ba, an mba ni lagi ndaka d’igi an nga hurun á lazi ndaka na.
Currently Selected:
Ndumba 33: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
