Josue 21
21
Azì ma a hum mi suma hi Levi-nina
(Gol 1 Sun hAm 6.39-66)
1Suma nglo suma avok suma hi Levi-nina, a mba gen ma ngat buzuna Elazar azi ki Josue Nun goroma ki suma nglo suma avok andjafâ hi Israel-lîna 2avo Silo yam ambas sa Kanan-nda. A dazi ala: Ma didina mi he vuna avun Moise kami ala a hami azì ma nglo ma kaka ki yima huyogoma yam d’uwar mamina mi.
3Ata yi máma Israel-lâ a hazì ma nglona mi suma hi Levi-na kur djo mazina ki yima huyogoma d’igi Ma didina mi he vuna na.
4Azi le togina yam adesâ hi Kehat-na, aduk suma hi Levi-na ad’u andjafâ hi ma ngat buzuna Aron-na. A fazì ma nglona dogo yam hindi kur yina handjafâ hi Juda-na, kur yina handjafâ hi Simeon-na, kur yina handjafâ hi Benjamin-na mi.
5Andjafâ hi Kehat ma dingâ a fazì ma nglona ki togina dogo kur yina handjafâ Efraim-ma, kur yina handjafâ hi Dan-na, kur yina habo andjafâ hi Manase-na mi.
6Andjafâ hi Gerson-na a fazì ma nglona dogo yam hindi kur yina handjafâ hi Isakar-râ, kur yina handjafâ hi Aser-râ, kur yina handjafâ hi Neftali-na, kur yina habo andjafâ hi Manase ma kur Basan-na mi.
7Andjafâ hi Merari-na ad’u adezezi a fazì ma nglona dogo yam mbà kur yina handjafâ hi Ruben-na, kur yina handjafâ hi Gad-na, kur yina handjafâ hi Zabulon-na mi.
8Israel-lâ a hazì ma nglona ki togina mi suma hi Levi-na ki yima huyogoma d’igi Ma didina mi he vuna avun Moise na.
9Wana nazì ma nglo ma suma hi Juda-na ki suma hi Simeon-na 10a hum mandjafâ hi Aron-na ad’u adesâ hi Kehat suma ad’u andjafâ hi Levi-nina ba wana, kayam togina mi nde ni kazi azi ba, adjeu kikidji: 11A hazi Kiriyat-Arba d’a a yat ala Hebron nda yam ahinad’a hi Juda-d’id’a ki yima huyogotna mi. Arba ni suma Ana’â abuzi ngolo. 12Wani a hasine ma huyok azì ma nglonina kazì ma gurei ma nguyuma mi Kalep Jefune goroma djona. 13A he Hebron mandjafâ hi Aron ma ngat buzuna ki yima huyogoma, nazì ma ngol ma suma a tchi matna a ngei tazi kuana, kazì ma Libina-na ki yima huyogoma, 14kazì ma Jatir-râ ki yima huyogoma, kazì ma Estemowa-na ki yima huyogoma, 15kazì ma Holon-na ki yima huyogoma, kazì ma Debir-râ ki yima huyogoma, 16kazì ma Ayin-na ki yima huyogoma, kazì ma Juta-na ki yima huyogoma zlapa kazì ma Bet-Semes-sâ ki yima huyogoma mi. Azì ma nglo ma zlengâ máma ni handjaf ma mbàna, nala, Juda ki Simeon. 17Andjafâ hi Benjamin-na a hazì ma Gabawon-na ki yima huyogoma, kazì ma Geba-na ki yima huyogoma, 18kazì ma Anatot-na ki yima huyogoma zlapa kazì ma Almon-na ki yima huyogoma mi. Azì ma nglona ni fid’i. 19Azì ma nglo ma a hum mandjafâ hi Aron ma ngat buzunina pet ni dogo yam hindi ki yima huyogoma mi.
20Suma hi Levi suma ding suma ad’u adesâ hi Kehat-nina a fazì ma nglona kur yina handjafâ hi Efraim-mina ki togina. 21A hazi azì ma ngol ma suma a tchi matna a ngei tazi kuana, nala, Sikem ki yima huyogoma yam ahinad’a hi Efraim-mba, kazì ma Gezer-râ ki yima hugoyoma, 22kazì ma Kipsayim-ma ki yima huyogoma zlapa kazì ma Bet-Horon-na ki yima huyogoma mi. Azì ma nglona ni fid’i. 23Andjafâ hi Dan-na a hazì ma Elteke-na ki yima huyogoma, kazì ma Gibeton-na ki yima huyogoma, 24kazì ma Ajalon-na ki yima huyogoma zlapa kazì ma Gat-Rimon-na ki yima huyogoma mi. Azì ma nglona ni fid’i mi. 25Abo andjafâ hi Manase-na a hazì ma Täna’â ki yima huyogoma zlapa kazì ma Gat-Rimon-na ki yima huyogoma mi. Azì ma nglona ni mbà. 26Azì ma nglo ma a hum mi ades ma ding ma ad’u andjafâ hi Kehat-nina ni dogo ki yima huyogoma mi.
27Abo andjafâ hi Manase-na a hazina mandjafâ hi Gerson suma ad’u andjafâ hi Levi-nina azì ma ngol ma suma a tchi matna a ngei tazi kuana, nala, Golan nda kur Basan-nda ki yima huyogotna zlapa kazì ma Besetera-na ki yima huyogoma mi. Azì ma nglona ni mbà. 28Andjafâ hi Isakar-râ a hazì ma Kisiyon-na ki yima huyogoma, kazì ma Dabrat-na ki yima huyogoma, 29kazì ma Jarmut-na ki yima huyogoma zlapa kazì ma En-Ganim-ma ki yima huyogoma mi. Azì ma nglona ni fid’i. 30Andjafâ hi Aser-râ a hazì ma Misayel-lâ ki yima huyogoma, kazì ma Apdon-na ki yima huyogoma, 31kazì ma Helkat-na ki yima huyogoma zlapa kazì ma Rehop-ma ki yima huyogoma mi. Azì ma nglona ni fid’i. 32Andjafâ hi Neftali-na a hazì ma ngol ma suma a tchi matna a ngei tazi kuana, nala, Kades sa kur Galile-d’a ki yima huyogotna, kazì ma Hamot-Dor-râ ki yima huyogoma, kazì ma Kartan-na ki yima huyogoma mi. Azì ma nglona ni hindi. 33Azì ma a hum mades ma ad’u andjafâ hi Gerson-nina pet ni dogo yam hindi ki yima huyogoma mi.
34Suma hi Levi suma ad’u andjafâ hi Merari-na, a hazi azina kur yina handjafâ hi Zabulon-na, nala, azì ma Jokneyam-ma ki yima huyogoma, kazì ma Karta-na ki yima huyogoma, 35kazì ma Dimna-na ki yima huyogoma zlapa kazì ma Nahalal-lâ ki yima huyogoma mi. Azì ma nglona ni fid’i. 36Andjafâ hi Ruben-na a hazì ma Beser-râ ki yima huyogoma, kazì ma Jasa-na ki yima huyogoma, 37kazì ma Kedemot-na ki yima huyogoma zlapa kazì ma Mefat-na ki yima huyogoma mi. Azì ma nglona ni fid’i. 38Andjafâ hi Gad-na a hazì ma ngol ma suma a tchi matna a ngei tazi kuana, nala, azì ma Ramot ma kur Galät-na ki yima huyogoma, kazì ma Mahanayim-ma ki yima huyogoma, kazì ma Hesbon-na ki yima huyogoma 39zlapa kazì ma Jazer-râ ki yima huyogoma mi. Azì ma nglona pet ni fid’i. 40Azì ma nglo ma a hum mandjafâ hi Merari suma ad’u andjafâ hi Levi-na ki toginina pet ni dogo yam mbà.
41Azì ma nglo ma a hum mi suma hi Levi-na aduk Israel-lîna pet ni dok fid’i yam klavandi ki yima huyogoma pet. 42Azì ma nglo ma lara pî mi nga ki yima nguyuma. Azì ma nglo ma lara pet ni hina mi.
43Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u. 44Ma didina mi arazi a kak ki halasa aduk suma a nguyuzina pet d’igi mi gun tam mabuyozi ngolo na. Sa mazi ma djangû ma ndak á tchol avorozina nga d’i. Mi hazi mazi suma djangûna abozi pet mi. 45Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.
Currently Selected:
Josue 21: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
