Josue 20
20
Azì ma karagaya ma ngei tad’a
1Ma didina mi de mi Josue ala: 2Ang i de mi Israel-lâ ala: Agi managi azì ma nglo ma ngei ta ma an dagi zlad’a avun Moise kama. 3Le sana adigagi mi tchi sana bei min mamba bei mi nga hurum kam adjewe ni, mi ring hur azì ma dingâ hazì mámina á sut tam abo sama mi min sä atchugul la sama a tchum máma. 4Ma tchi mat máma mba mi ring kur azì ma ngol ma ding tu hazì mámina, mba mi tchol avun agre’â hazì ma ngol máma, väd’u zla mamba mi suma nglo suma hur azì ma ngol mámina. Azi vum ataziya, a mba hum yima kaka zlapa ki sed’eziya. 5Le sama min hlatchugul sama a tchum máma nga mi digimiya ni, ar azi hum sama tchi mat máma abom mbi. Kayam mi tchi ndrama ni kur min mamba d’i, mi nga ni sa mam ma djangûna adjeu d’uo mi. 6Mi kak kur azì máma gak ablaud’a hi Israel-lîd’a ti kam sariyad’a kam tua, gak ma ngol ma ngat buzu ma le sunda kur biza ndatina, mi mit tua mi. Bugol tua ba, mi hulong kur azì ma mam tcholï ringâ kuana.
7Israel-lâ a tin Kades sa Galile-d’a yam ahinad’a hi Neftali-d’a, Sikem mba yam ahinad’a hi Efraim-mba ki Kiriyat-Arba d’a a yat ala Hebron nda yam ahinad’a hi Juda-d’id’a irazi vaziya. 8Sä abo alum ma Jurdê-na woi hî abo ma yorogona hi Jeriko-na, a man Beser hur ful la yam andaga d’a papana d’a hi suma hi Ruben-nid’a, Ramot ta Galät-na hi suma hi Gad-nid’a ki Golan nda kur Basan-nda hi suma hi Manase-nid’a mi. 9Wana nazì ma nglo ma Israel-lâ a manam kazi kangoyogei suma a nga kaka adigazina kayambala sama tchi matna bei min mambina, mi ring kua tala sama sä atchugul wiyem ma a tchuma, mi tchum mbei avok bei ablaud’a hi Israel-lâ ti kam sariyad’a kam mbuo d’a.
Currently Selected:
Josue 20: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
