Jeremi 45
45
Sun nda a gat ata Baruk-ka
1Kur biza d’a fid’i d’a Jojakim Josiyas goroma mi tamula yam suma Juda-nid’a, Baruk Neriya goroma mi b’ir zla d’a ma djok vun Alona Jeremi mi dumzi ki yamba kä kur mbaktumba. Ata yi máma Jeremi mi dum ala: 2Gola! Ma didina Alona hi Israel-lîna mi de kang ala: 3Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi. 4Jeremi, ang dum ala: Ma didina mi dala:
Gola! An mba ni b’lak vama an minima woyo,
an mba ni pat vama an puma woi mi.
Nala, an mba ni b’lak ambas sa wanda woi ki zla tat pet.
5Ang nga halî ahle suma nglona kang ang zu?
Ang halazi d’i,
kayam an nga ni mba ki ndaka yam suma pet.
Ata yima lara ma ang mba i kuana pet,
an mba ni hang ari manga
ni d’igi vama a hurumumï avun ayînina na.
An Ma didina ni de na.
Currently Selected:
Jeremi 45: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
