Ezekiyel 15
15
Guguzlu d’a a ngalat teid’a
1Ma didina mi dan ala: 2Ang gor sana, na ni agu guguzlud’a zlat ti kal agu ma lara ge ma aduk agud’ina pet tchu? 3Na ni sana mi ndak á hlagu guguzlud’a á le ki sunda zu? D’oze sana mi ndak á hlagu mat ma gorâ á gum akulo á gap va kua zu? 4Gola! A gat naduk akud’a á ngala. Akud’a ti ngalat vunat tei zla tam djak, ti vugut adigat mi, na ni ti ndak á le sun nda ding zu? 5Gola mi, le ata yima ndat nga ki iratna, sa ndak á le sun ki sed’et tuo, le akud’a ti ngalad’u ni, ti mba d’i le ni nana d’ang nge? Ti ndak á le sun nda ding tu d’i.
6Ma didina mi dala: D’igi an he agu guguzlud’a á ngala aduk agud’a na, d’igi an tchugut aku á ngala na, an mba ni tchuk suma a nga kaka avo Jerusalem-ma aku na mi. 7An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina. 8An mba ni mbut ambas ndata djona, kayam suma kurutna a he tazi yam sun nda batranga. An Salad’a Ma didina ni de na.
Currently Selected:
Ezekiyel 15: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
