2 Samuel Wana ni modo zla d’a kuruta
Wana ni modo zla d’a kuruta
Kid’a a b’ir mbaktum mba wanda ki d’a avokid’a, zla mazid’a ni tu. A yi mbaktum ndata ni ki simiyê ma djok vun Alona Samuel, kayam mam tamba ni ma ngol ma avo’â kurud’u. Ki tchetchemba, a walat tei mbà, wani mbaktum mba mbàd’a hi Samuel-la nga d’i vei ad’ud’a yam leud’a hi David amul ma ngol ma kal tegles ma te yam Israel-lâ petna.
Mbaktum ndata nga d’i vei ad’ud’a yam hor ma David mi tchim kid’a mi hum zla matna hi Saul azi ki Jonatan-na. Bugola, nga d’i vei ad’ud’a kua yam te d’a David mi tamula yam andjafâ hi Juda-nid’a. Gol 1–4.
Saul goroma tu a yum ala Isebäl mi tamula yam Israel suma abo ma norâ bizad’a tcha. Bugol mat mama Israel ndazina a zlap ki David, a manam a tinim amula yam andjafâ hi Israel-lîna pet. Gol 5–24.
Mbaktum ndata nga d’i tagei ngola hi David-ta ki sib’ik mamba bei ngeyei va kä ba. Nga d’i tagei tcho mam mba mi lata kahle suma a le avo kur aziyama. David mi tagei woi ala mam mi sana gagazi. Ki ngol mamba wan pet pî mi we tcho mam mba mi lata, mi tchen hur ma vata kat avok Alona.
Bugol matna hi David-na ata yima Israel-lâ a nga kur ndakina, a nga djib’er yam David ala mam mi d’igi amul ma sut ma Alona mi hle vunam kam á sunum mi sum mamina na. A djib’er yam vun ma hle ma Alona mi hlum mi David avun mam ma djok vuna Natan ma ala: An mba ni tchol andjavang ma ndeï kurungâ blogongû, an mba ni hum ad’enga á tamula na. Gol 7.12. Ni kayam ndata ba, ei wei ad’ud’a ala Jesus ma sut ma Alona sunumïna, a nga yum kur Vun ma Djin ma Awilina d’igi David goroma na. Gol Mat 20.29-34; 21.9 mi. t Wana ni wal mata
David nga mi tamula yam andjafâ hi Juda-na 1–4
David nga mi tamula yam andjafâ hi Israel-lâ pet 5–24
(a) David mi tin ad’ud’a á tamula 5.1–10.19
(b) David mi le tchod’a ki Batseba 11.1–12.25
(c) David mi fe ndaka ki kid’eî ira 12.26–20.25
(d) David mi dap sun mam mba amula 21.1–24.25
Currently Selected:
2 Samuel Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.