1 Timote Wana ni modo zla d’a kuruta
Wana ni modo zla d’a kuruta
Timote asumî d’a Juif fa mbut kretiyêd’id’a, abumî ma Gre’â. Paul mi ngavam sä Listre kur ambas sa Asi-d’a, kur tit mam mba á tchi wala yam á mbàd’id’a (Sun SS 16.1-3). Ata yi máma, Timote mi mbut Paul ndram ma sunda, mi tit zlapa ki sed’em ata yina teteng. Paul mi tinim ma mi sunum mi Tok ka tetengina mi. Ni hina ba, ei nga wum simiyêm ablaud’a kur Sunda hi Suma a Sunuzina (Sun SS 17.14-15; 18.5; 19.22), kur mbaktum mba teteng nga Paul mi b’irita mi. Gol 1 Kor 4.17; 16.10-11; Filp 2.19-24; 1 Tas 3.2-6. Mbaktum mba mbà d’a Paul mi b’irit mi Timote-d’a ki mbaktum mba mi b’irit mi Tit-ta, suma a nga yat ala Mbaktum mba Pola, kayam hata nga kua ngola yam suma pola, yam suma nglo suma gol Toka mi.
Mbaktum mba avok ka Paul mi b’irit mi Timote-d’a nga d’i hat yam ahle suma nglona hindi:
Paul mi hat ala mbeî Toka ti kak ki ndjola yam hat ta gun nda gizeîd’a hi djib’era hi Juif-fîd’a ki d’a hi suma bei wAlona d’a suma hiuna a nga had’azizid’a. Suma a nga hat hat ta gun ndatina a nga dala ahle suma kur duniyad’ina ni tchod’a, suta ni yam suma a wahle suma mudurinina hol, djivid’a suma a d’el tazi yam te ma tetengâ, ar sa mi vatcha d’uo mi.
Bugola, Paul mi had’am yam kud’ora, yam suma a le sunda kur Tokina, yam lovot mazi d’a tit ta burâ ki burîd’a mi.
Bugola, mi hat Timote yam lovot ta le sun mamba aduk ades suma teteng suma a he gagazid’ina, kayam mi kak sama sun ma djivina hi Jesus Christ-sâ (4.6). t Wana ni wal mata
Zla d’a avoka 1.1-2
Hat ta yam Toka ki suma a le sunda kurutnid’a 1.3–3.16
Hat ta mi Timote yam sun mambid’a 4.1–6.21
Currently Selected:
1 Timote Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.