1 Jean Wana ni modo zla d’a kuruta
Wana ni modo zla d’a kuruta
Jean nga mi hat yam ahlena mbà kur mbaktum ndata: Mi min zut kretiyêna á le darigïd’a kAlona ki Goroma Jesus Christ, mi min gigid’ezi ala a tit ad’u hat ta lemba d’uo, kayam hat ndata ndak á b’lak darigï mazid’a hAlonid’a woyo. Suma hat tcho ndatina a nga dala Jesus Alona Goroma mi mbut nga sana gagazi d’i. A dala suta nga d’i d’elezi á djib’er yam tita kur duniyad’a, suta nga d’i de zlad’a yam sun nda djivid’a d’oze sun nda tchod’a d’uo, yam o d’a yam suma dingîd’a d’uo mi. Wani Jean mi min d’el hat mazi d’a tcho ndata.
Kur zla d’a avoka mi de zlad’a yam Jesus Christ ma mam ki ndrom suma a sunuzina a wum ki irazi yam andagad’a ka hina. Mi had’azi yam ahle ndazina kayam kretiyêna a le darigïd’a ki sed’eziya, zlapa kAlona ki Jesus Christ mi (1.1-4). Jean mi yi kretiyêna á tit kur b’od’a, kayam Alona ni b’od’a. Le a nga tit kur b’od’a ni, a mba ndak vun vun ma he ma yam od’ina mi (1.5–2.17). Bugola, Jean mi de zlad’a yam suma djangûna hi Christ suma ka zla suma a nga buzuk kei kur duniyad’ina. Azi ni suma a tin vunazi yam Jesus ala Jesus ni Christ suo na (2.18-29). Bugola, Jean mi de zlad’a yam ahle suma a tak kei ala suma wana nAlona groma na, nala, tit ta d’ingêr ra a tit kuad’a ki o d’a a nga lat aduk tazid’a mi (3.1-24). Bugola, mi tagazi lovota á wal aduk hat ta lemba ki hat ta gagazid’a (4.1-6). Bugola, mi hulong yam od’a. Nala, Sama lara pî ma nga mi le od’ina, Alona mi vud’um mi mamu, kayam Alona ni od’a (4.7-21). Bugola, mi dala: Vama kus yam duniyad’ina ni he gagazi meid’a (5.1-5), mi hat yam glangâs ma a lum yam Jesus Christ-sâ (5.6-12), mi hat yam ari d’a didinda mi (5.13-21).
Mbaktum ndata nga d’i tak tit ta d’ingêra hi kretiyênid’a woi abua, nga d’i ndjunuzi á d’es sei kur hat ta tchod’a d’i, nga d’i zud’uzi á djin he gagazi mazi d’a kur Jesus Christ-sa ki o mazi d’a yam ndrozinid’a mi. t Wana ni wal mata
Zla d’a avoka 1.1-4
B’od’a ki nduvunda 1.5–2.29
Alona groma ki Seitan groma 3.1-24
Hat ta gagazid’a ki hat ta ka zlad’a 4.1-6
Sun nda od’a nga d’i lata 4.7-21
He gagazi d’a kusa 5.1-21
Currently Selected:
1 Jean Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.