Salmos 87
87
Salmo 87
Naka va'a ko kuu o ja koo o ñuu ii Su'si ma
1Siki yuku ii Su'si ma ni sunkani vava'a ya ñuu Jerusalén ma.
2Te kútoo‑ka ya nuu kivi o ini ñuu ma
sana ndaka‑ka nuu ka iyo sa'ya tata Jacob ma.
3Te vivii ka ka'an i ja kuu ro, vi ñuu Su'si.
4Te ndaka ñayii ka iyo ñuu Rahab ma, ji'in ñuu Babilonia ma,
ji'in ñuu Filistea ma, ji'in ñuu Tiro ma, ji'in ñuu Etiopía ma
chi ka ndakuni i ñayii ni ka kâku ñuu Sion ma.
5Te sa'a jin ka'an i ja kuu ñuu Sion ma:
“Ñayii iyo ya'a, ñayii iyo yukan chi ñuu Sion ma ni ka kâku i”,
jin ka'an i,
te Su'si iya iyo onde sukun ma chi sa'a ya ja jin koo va'a i.
6Te Iya Tátnuni ma, ndáchiso tnuni ya ñayii ma nuu libru ya ma
ja nani i ma ji'in nde ñuu i ma,
te ká'an ya:
“Ñayii ya'a chi yukan ni kâku i”,
ká'an ya.
7Sani te sa'a jin kata sii ini tee ka jita ma:
“Ndaka ja ka neva'a o ya chi ñuu Su'si ma ni ka ke koo i”,
jin ka'an de.
Currently Selected:
Salmos 87: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
