Salmos 84
84
Salmo 84
Ndíyo ini sa ja ndaka kivi koo sa ve'e Su'si ma
1¡Naka vii naka va'a kúu nuu iyo ni a,
vi Su'si iya tátnuni nuu kua'a ángel ma!
2Te ûni ni‑yu'u ni‑ini sa ñu'u ini sa
ja koo sa ini ve'e nuu iyo ni a,
te onde ini anua sa ya ji'in yikikuñu sa ya jita sa
te ndáchiñu'u ña'a sa, vi Su'si iya téku.
3Te onde lasaa veñu'u ma, ka ni'i ti nuu jin koo ti
nuu altar ni ma,
te onde lasaa kiti ka kuu tixiko ma, ka ni'i ti
nuu ka tnaa ti taka ti ma,
te yukan ka ta'vi sa'ya ti ma, vi Su'si iya tátnuni
nuu ndaka ángel ma, Rey maa sa, Su'si maa sa.
4¡Naka vii naka va'a ka kuu ñayii ka iyo ve'e maa ni a,
te ni‑kani ni‑jika jin ndachiñu'u ña'a i!
5¡Naka vii naka va'a kúu ñayii ja maa ni kúkanu ini i
te ní'i i tnu'u ndee tnu'u ndatnu wa'a maa ni ma
te ni‑yu'u ni‑ini i ndikin i ichi maa ni a!
6Visi kuan koo i ichi nuu ka ndo'o ka neni i ma te ka nda'yu i ma,
kovaa sani te vivii ka ndusii ini i kuenda tnu'u
ja sukan na'a nuu kána ndute ma,
xi sukan na'a nuu ñu'u kua'a ndute ni ndaxchitu savi ma,
sukan vivii ka ndusii ini i.
7Sani te ndimaa jin kundee jin kundee‑ni i nuu ja u'vi ma
kuan koo i,
te jin kuni i Su'si ma ñuu nani Sion ma.
8Su'si iya tátnuni nuu ndaka ángel ma,
koniniso'o ni ja jikan‑ta'vi sa nuu ni a.
Koniniso'o ni, vi Su'si iya ni yo kukanu ini
tee ni yo kuu Jacob ma.
9Konde'ya ña'a ni, vi Su'si iya jasi ndee jasi ndoso ña'a
ja na kaku sa nuu ja u'vi ma,
te konde'ya konde'ya‑ni ni nuu iyo tee ni kaji maa ni ma
te ko koto ko koto‑ni ni de.
10Vaa saña chi ja va'a xeen‑ka kúu ja koo sa in kivi
ini ve'e nuu iyo ni a
sana ja koo sa mil kivi nuu ka sa'a i ja u'vi ma.
Játna ini‑ka sa ja koo sa ye'e nuu iyo ni a, vi Su'si,
sana ja koo sa nuu ka iyo ñayii ka sa'a ja u'vi ma.
11Vaa nuu iyo ni a chi kaji kaji ndíi sukan ndíi kandii ma,
te maa ni jasi ndee jasi ndoso ña'a
ja na kaku sa nuu ja u'vi ma, vi Su'si.
Te skuta'vi ña'a ni ja vii ja va'a,
te koo jayiñu'u sa, vi Su'si Iya Tátnuni.
Vaa Su'si ma chi masu kendee ya ja vii ja va'a ka kuta'vi
ñayii ka sa'a ja va'a ja ndaa ma.
12Su'si iya tátnuni nuu ndaka ángel ma,
¡Naka vii naka va'a kúu ñayii kúkanu ini ña'a i maa ni ma!
Currently Selected:
Salmos 84: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
