Salmos 70
70
Salmo 70
Sukan kakan‑ta'vi o nuu Su'si ma ja na kii kunu ya ki chindee ña'a ya
1Su'si, jikan‑ta'vi xeen sa nuu ni ja chindee ña'a ni.
Ne'e kunu ni, ki chindee ña'a ni, vi Su'si.
2Ndaka ñayii ka ndanduku ña'a ja jin xnaa ña'a i saña ma,
na jin ndakokuiñi i te jín ndakukan‑nuu maa i.
Te ndaka ñayii ka kuni ja jin sa'a ña'a i ja u'vi ma,
su'va maa i jín ndatna'a ja kan‑nuu
ja jin ndajakundee ña'a ñayii ma.
3Ndaka ñayii ka jakundendee ña'a saña ma,
te na jin ndakakayata maa i jín nu koo i,
te jín ndatna'a maa i ja kan‑nuu,
vaa masu nde ni ka kundee i ja ka ñu'u ini i ma.
4Kovaa ndaka ñayii ka ndanduku ña'a i ndijin ma, vi Su'si,
chi jin koo sii ini xen‑xeen i.
Te ndaka ñayii ka kuni ja sa'a ni ja jin kaku i nuu ja u'vi ma,
ndimaa jin ka'an i:
“Su'si o a, iya ka'nu xeen kúu ya”,
jin ka'an i.
5Te saña ja kúnda'vi kúkee sa te ndó'o néni sa a,
ne'e kunu ni, ki chindee ña'a ni, vi Su'si.
Maa ni kúu iya chindee ña'a,
te sa'a ni ja kaku sa nuu ja u'vi ma.
Máko ko kukuee ni ja ki chindee ña'a ni,
Su'si iya tátnuni nuu sa.
Currently Selected:
Salmos 70: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
