Salmos 67
67
Salmo 67
Na jin ndachiñu'u ndaka ñayii ñuu ñayivi a Su'si ma
1Su'si maa sa kunda'vi ini ña'a ni ndaka sa,
te skuta'vi ña'a ni ja vii ja va'a jin ko kuu sa.
Te koo ni nuu ka iyo sa ya,
te jatna ini ni ja ka sa'a ka kuu sa ya,
2sukan‑va'a jin kuni ndaka ñayii ñuu ñayivi ya
ichi káxtnu'u ni ma,
te jin kuni i sukan sa'a ni ja jin kaku ñayii ma nuu ja u'vi ma.
3Te ndaka ñayii a, na jin ndachiñu'u ña'a i maa ni, vi Su'si,
te ndaka ñayii ka iyo ndaka ñuu ma,
na jin ndachiñu'u ña'a i maa ni.
4Ni‑ka'nu ñuu ñayivi ya, jín kata sii ini i nuu ni, vi Su'si,
vaa maa ni kúu iya tátnuni ni‑ka'nu ñuu ñayivi ya,
te sa'a ndaa sa'a ndija ni,
vaa maa ni tátnuni ni‑ka'nu ñuu ñayivi ya.
5Te ndaka ñayii a, na jin ndachiñu'u ña'a i maa ni, vi Su'si,
te ndaka ñayii ka iyo ndaka ñuu ma,
na jin ndachiñu'u ña'a i maa ni.
6Sukan, te Su'si o ya, táa ya ja vii ja va'a ja jin kuta'vi o,
te sa'a ya ja jin kuu ndaka ja ka saka o nuu ñu'ú ya.
7Sukan sa'a Su'si o ya, vaa taa ya ja vii ja va'a,
te ni‑ka'nu ñuu ñayivi a jin koyu'u i Su'si o a,
te ma jin ko sa'a‑ka i ja u'vi ma,
vaa ndakan ya kuenda.
Currently Selected:
Salmos 67: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
