Salmos 52
52
Salmo 52
Ñayii kuvixi ja sa'a i ja u'vi ma chi ndachunaa maa i nuu Su'si ma
1Tee kanuu xeen,
¿nava'a kúvixi xeen ni, ja ndimaa ja u'vi ma sa'a ni?
Te vitna ja Su'si ma ja kúu sa'a ya ndaka ma
chi su'va ndimaa kúnda'vi ini ya ñayii ma.
2Te ndijin chi nanimaa tnu'u ndeva'a ká'an ni,
te nanimaa tnu'u xnda'vi tna'a ká'an ni.
Te kuenda tnu'u ja in yuchi xen‑xeen ka kuu tnu'u ká'an ni a.
3Ni kutoo xeen‑ka ni ja u'vi ma sana ja va'a ma.
Te ni kutoo‑ka ni tnu'u xnda'vi tna'a ma sana tnu'u ndaa ma.
4Te ni jatna ini‑ka ni ja ka'an ndeva'a ni nuu ñayii ma
te sa'a ni ja u'vi ja jin kuu ñayii ma.
5Te chukan kúu ja Su'si ma chi xnaa ña'a ya,
te masu koteku‑ka ni, te kene'e ña'a ya nuu iyo ni a,
sukan‑va'a ma koo‑ka ni ji'in ñayii ka teku ma.
6Ndaka ni ja ka sa'a ni ja va'a ma,
jin konde'ya ni sukan ni kuu tee yukan,
te jin koyu'u ni Su'si ma.
7Jin konde'ya ni, te jin kuni ni ja sukan ni ndo'o
tee ñatuu ni kukanu ini Su'si o ma
ja suu ya sa'a ja kaku de ma
te masu skenaa de maa de ma nkuu.
Kovaa su'va nuu ja kua'a xen‑xeen ja ni yo ni'i ni yo tna'a de ma
ni kukanu ini de,
te ni yo jatanuu‑ka de ja u'vi ni yo sa'a de ma,
te ni skenaa de maa de.
8Kovaa saña chi iyo va'a sa.
Kuenda sukan iyo yutnu kúu tnu olivo ma ja kuikuii iyo tnu ma,
sukan iyo sa ve'e Su'si a,
te kúkanu ini sa ja Su'si ma, kúnda'vi ini ña'a ya ni‑kani ni‑jika.
9Te ndachiñu'u ña'a sa ni‑kani ni‑jika,
ja sukan sa'a maa ni ja kútoo ña'a ni a.
Te kondetu ña'a sa nuu ka iyo ndaka ñayii
ñatuu‑ka na ja u'vi ka sa'a i ma,
vaa va'a xen‑xeen ini ni, vi Su'si.
Currently Selected:
Salmos 52: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
