Salmos 142
142
Salmo 142
Sukan kakan‑ta'vi o nuu Su'si ma ja na chindee ña'a ya ja na yanduu o nuu tnundo'o tnuneni ma
1Ndakune'e jajaa sa Iya Tátnuni ma,
te jajaa kuña'a sa ya ja na kunda'vi ini ña'a ya.
2Te nuu maa ya sonee sa ndaka sukan ndó'o néni sa ya,
te kuni ya sukan tnána u'vi sa ya.
3Ora kúxii kúnda'vi ini sa ma, vi Su'si,
te ñatuu ní'i ini‑ka sa nawa sa'a sa ma,
kovaa maa ni chi jini ni ja ichi kua'an sa ma
chi ichi nuu ni ka satu'va i ja jin ke'en su'va ña'a i ma kúu.
4Te ni ndakonenuu sa ichi xiñi sa ma,
te ñatuu na in nde iyo i ja chindee ña'a i,
ni‑in ñayii ñatuu ndí ini ja kuu sa a.
5Kovaa kuiti nuu maa‑nka ni jikan‑ta'vi sa ja chindee ña'a ni.
Chukan kúu ja sa'a ká'an sa nuu ni:
“Iya Tátnuni, maa ni kúu nuu kuu chu'u sa,
te maa ni kúu iya chíndee chítuu ña'a nani iyo sa ñuu ñayivi a.
6Te koniniso'o ñukuun ni ja káyu'u sa
ndánduku ña'a sa ja na chindee ña'a ni a, vi Su'si,
vaa ve kuita kuiti sa.
Te chindee ña'a ni ja na kaku sa nuu nda'a
ñayii ka sondikin ña'a ya,
vaa ka iyo‑ka tnu'u ndee tnu'u ndatnu i sana saña.”
Sa'a ni ká'an sa nuu ni.
7Sa'a ni ja na ndayaa ini anua sa ya,
vaa kuenda tnu'u ja yinee va'a i in vekaa jini sa,
sukan‑va'a na kuu ndachiñu'u ña'a sa.
Te sukan, te ñayii ka sa'a ja va'a ja ndaa ma
chi ki koo i ki ndi tna'a ña'a i ja jin kuni i
sukan ni kunda'vi ini ña'a ni a, vi Su'si.
Currently Selected:
Salmos 142: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
