Salmos 143
143
Salmo 143
Sukan kakan‑ta'vi o nuu Su'si ma ja na kaku o nuu ja u'vi ma te konukuiñi va'a o nuu ya
1Su'si sa Iya Tátnuni, koniniso'o ni sukan jikan‑ta'vi sa nuu ni a,
te koniniso'o ñukuun ni ndaka ja ká'an ja káchi sa nuu ni a,
te ndakone'e ni ja jikan‑ta'vi sa a,
vaa kúkanu ini ña'a sa ja ndimaa sa'a ndaa sa'a ndija ni.
2Te saña ja jinukuechi sa nuu ni a,
nú nde a masu va'a‑ni ni sa'a sa ma, sakanu ini ña'a ni,
vaa masu na in kuu ka'an i
ja masu na kuechi i nuu maa ni a, vi Su'si.
3Vaa ñayii ñatuu ka kunimani nuu sa ma chi ka sondikin ña'a i,
te ka kuni i ja kotuu sa te koo jika sa nuu ni a,
te ka xtetuu ña'a i ja na ko sa'a sa sukan ka sa'a ñayii
ka iyo nuu nee ma ja ñatuu ka kandija ña'a i maa ni ma,
te ka kuni i ja ndo'o sa sukan ni ka ndo'o ñayii
ni ka ji'i onde ndende kii ma te ni ka skenaa i maa i ma.
4Te ini anua sa ya chi jâ ni kuita kuiti i,
te ñatuu ní'i ini‑ka sa nawa sa'a sa.
5Te ndáka'án sa sukan ni sa'a, ni kuu ni onde xi'na‑ka ma,
te ndákani ndáka'vi ini sa ndaka sukan ni sa'a maa ni ma.
6Te chukan kúu ja nuu maa ni ndóne'e sa nda'a sa ya,
vaa jiniñu'u ña'a sa, sukan jiniñu'u ñu'ú yichi ma ndute ma.
7Iya Tátnuni, ndakone'e kunu ni ja jikan‑ta'vi sa ya,
vaa ve kuita sa.
Máko chu'u ni ja ma chindee ña'a ni, vaa ma kundee sa,
te nasa yukan, te kûu sa sukan ni ka ji'i ñayii ma
te skenaa sa maa sa.
8Ora xtnee ne'e ma, kaxtnu'u ni sukan kútoo ña'a ni a,
vaa maa ni kúkanu ini sa ja chindee ña'a ni.
Kaxtnu'u ni naxe ko sa'a ko kuu sa,
vaa nuu nda'a maa ni iyo anua sa ya.
9Chindee ña'a ni ja na kaku sa nuu
ñayii ñatuu ka kunimani nuu sa ma,
vaa nuu maa ni kúu nuu kuu chu'u sa te kaku sa.
10Kaxtnu'u ni nuu sa sukan játna ini ni ja ko sa'a sa nuu ni a,
vaa maa ni kúu Su'si sa,
te maa Xtumani maa ni a na skaka ña'a ichi ndaa ichi va'a ma.
11Te ja maa ni, vi Su'si, te sa'a ni ja koteku sa,
vaa iya va'a ini kúu ni,
te ndene'e ña'a ni nuu tnundo'o tnuneni iyo sa ya.
12Te sukan kúnda'vi ini ña'a ni a,
te xnaa ni ñayii ñatuu ka kunimani nuu sa ma.
Ûni xnaa ndija ni ñayii ñatuu ka kunimani nuu sa ma,
vaa saña chi ñayii jinukuechi nuu maa ni kúu sa, vi Su'si.
Currently Selected:
Salmos 143: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
