Salmos 140
140
Salmo 140
Sukan kakan‑ta'vi o nuu Su'si ma ja na chindee ña'a ya ja na kaku o nuu ñayii sóndikin ña'a ma
1Su'si Iya Tátnuni, sa'a ni ja na kaku sa
nuu nda'a ñayii sa'a ja u'vi ma,
te ko koto va'a ña'a ni.
Sa'a ni ja na kaku sa nuu nda'a ñayii
ja ndimaa jin kanaa i ka kuni i ma,
2nuu ndaka ñayii ja ndi‑kivi ndi‑kivi ka ñu'u ini i
ja jin sa'a ña'a i ja u'vi ma.
Vaa ndi‑kivi ndi‑kivi ka nduku i ja jin kanaa i ma.
3Vaa yaa i ma, sukan ka kuu yaa koo ma ka kuu,
te tnu'u ka ka'an i ma ka kuu sukan kúu venenu koo ma.
4Su'si, ko koto va'a ña'a ni ja na kaku sa
nuu nda'a ñayii ndimaa ja u'vi ka sa'a i ma.
Sa'a ni ja na kaku sa nuu nda'a ñayii
ndimaa jin kanaa i ka kuni i ma.
Vaa ka kuni i ja kóto naxe jin sa'a i te kotuu sa ma.
5Ñayii yukan, ja ka jani ini i ja maa i ka kuu‑ka ma,
ka jito yu'u ña'a i,
te ka sa'a i in nuu ka kuni i ja na kêe sa
te jin ke'en su'va ña'a i.
6Kovaa saña chi ni jiña'a sa nuu Iya Tátnuni ma sa'a:
“Maa ni kúu Su'si sa, te koniniso'o ni
ja káyu'u sa ndákune'e ña'a sa a”,
kúu sa jiña'a sa ya.
7Su'si sa Iya Tátnuni, maa ni iyo tnu'u ndee tnu'u ndatnu
ja sa'a ni ja kaku sa nuu ja u'vi ma,
vaa maa ni ni jasi xini sa a, te ni kaku sa kivi ni ka kanaa sa
ji'in ñayii ñatuu ka kunimani nuu sa ma.
8Su'si Iya Tátnuni, máko kua'a ni tnu'u ja ko kuu
sukan ka ñu'u ini ñayii ka sa'a ja u'vi ma,
te máko kua'a ni tnu'u ja jin sa'a i sukan ka jani ini i ma,
sukan‑va'a máko jin ko kuvixi i
ja ni kuu ni ka sa'a i ndaka ja ka jani ini i ma.
9Te ndaka ñayii ni ka ndakonduu ña'a ma
te ka ka'an ndeva'a i ja kuu sa ma,
te ndaka sukan ka ka'an maa i ma jín nukun‑tuu maa i.
10Te jín kêe koo maa ñayii yukan onde kunu ma onde nuu nee ma,
te ndájinu ñu'u i'ni ma siki i, te jín kayu i.
11Te ñayii ká'an tnu'u in‑ka ñayii ma,
másu konukuiñi va'a i ñuu ñayivi ya,
vaa ja u'vi ma chi ndanduku i ñayii sa'a ja u'vi ma,
sukan‑va'a xnaa i ñayii yukan.
12Kovaa saña chi jini sa ja Su'si o Iya Tátnuni ma
chi kunda'a maa ya ndaka sukan ndó'o néni ñayii kándija ya ma,
te sa'a ya ja jin kendoo va'a i
te ñatuu nawa ko ka'nu ndee
ja ma jin ni'i i nawa ka jiniñu'u i ma.
13Te ja ndaa ndija kúu ja ñayii ka sa'a ja va'a ja ndaa ma
chi jin ndachiñu'u ña'a i maa ni,
te jin koo i nuu iyo ni a, vaa ni ka sa'a i ja va'a ma, vi Su'si.
Currently Selected:
Salmos 140: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
