Salmos 138
138
Salmo 138
Sukan ndakuan‑ta'vi o nuu Su'si ma ja ni ndakone'e ya ja ni jikan‑ta'vi o nuu ya ma
1Su'si maa sa, ni‑yu'u ni‑anua sa ndachiñu'u ña'a sa,
visi ka nde'ya ña'a maa ja ka tatnuni ñuu ñayivi ya.
Kovaa nuu maa ni kata sa salmo, vaa maa ni kúu Su'si ndija.
2Jinkoo jiti sa ini veñu'u ii ni a,
te ndaka'an ndakachi sa sukan nda'vi ini ni a,
vaa maa ni, vi Su'si, chi sa'a ni sukan ká'an ni ma,
te kua'a ñayii, ka ndakunitnuni i ndaka
sukan sa'a sukan kúu ni a sukan ká'an tnu'u maa ni a,
te ka ndachiñu'u ña'a i.
3Vaa kivi ni ndakune'e ña'a sa ma chi ni chindee ña'a ni,
te ni ndani'i ini anua sa ya tnu'u ndee tnu'u ndatnu.
4Ndaka rey ka iyo ñuu ñayivi a,
jin ndachiñu'u ña'a de maa ni, vi Su'si,
vaa ni ka jiniso'o de sukan ká'an ni ma.
5Te jin kata de te jin ndaka'an de tnu'u ni kaxtnu'u maa ni a,
vaa jayiñu'u maa ni a chi ja ka'nu xeen kúu.
6Vaa Su'si Iya Tátnuni, iya iyo onde sukun ma kúu ni,
te ndí ini ni ja jin kuu ñayii nda'vi ma.
Kovaa jika‑ni nde'ya ni ñayii ka jani ini ja maa i ka kuu‑ka ma.
7Vaa nú iyo yika sa nuu tnundo'o ma
chi maa ni sa'a ja kaku sa te koteku sa.
Vaa skuili ni nda'a ni ji'in tnu'u ndee tnu'u ndatnu ni ma,
te sa'a ni ja kaku sa nuu ñayii ka kuni u'vi nuu sa ma
te ka ndakiti ini i nuu sa ma.
8Iya Tátnuni, maa ni chi sa'a ni sukan ni jani ini ni
ja sa'a ni ja kuu sa ma.
Su'si, tnu'u nda'vi ini ni a chi ni‑kani ni‑jika iyo,
te máko xndoo nda'vi xndoo kee ña'a ni saña
ja kúu sa ñayii ni sa'a maa ni ji'in nda'a ni a.
Currently Selected:
Salmos 138: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
