Salmos 137
137
Salmo 137
Sukan ka ndakani ini ñayii ñuu Israel ma ja ni ka kunda'a ña'a maa ñayii ñuu Babilonia ma
1Yu'u yute ñuu Babilonia ma ni ka yo nukoo sa,
te ni ka yo nda'yu sa ja ka ndaka'án sa ñuu Sion ma.
2Te ne'un tnu jatnu ma ni ka yo jata kaa sa arpa
yutnu ka tee sa yaa ma.
3Te ñayii ni ka jeka ña'a ja jin kunukuechi sa nuu i ma,
ni ka yo ka'an i ja na jin kata sa.
Te ndaka maa ñayii ni ka xtandee ndaka ja ka neva'a sa ma
ka ka'an ja jin kata sii ini sa,
te sa'a ni ka yo ka'an i:
“Jin kata ni jaku yaa ka jita ni ñuu Sion ma”,
ka kuu i ka ka'an i.
4Saña chi masu jin kata sa yaa
ka jita sa nuu maa Su'si Iya Tátnuni ma
in‑ka ñuu nuu masu ñuu sa kúu ma.
5Ñuu Jerusalén, nuna kenda ja ndunaa ña'a ri,
na yichi nda'a kua'a ri a.
6Te yaa ri a na ndatnii tna'a ji'in nda'nda ri a,
nú ma ndaka'án ña'a ri, vi ñuu Jerusalén,
te nú ora iyo sii ini ri ma, te ñatuu ndaka'án ña'a ri
te na ndo'o maa ri sukan.
7Su'si Iya Tátnuni, ndaka'án ni sukan ni ka ka'an ñayii
ñuu Edom ma nuu ni ka xnaa ñayii ma ñuu Jerusalén ma,
ja sa'a ka kayu'u i ma:
“Jin xnaa ni, jin xnaa ni,
onde nuu ni ka keja'a i ni ka chutna'a i ma,
jin xnaa ni”,
ka kuu i ka kayu'u i ma.
8Ñayii ñuu Babilonia, suni jin xnaa tna ña'a i ndijin.
Ja vava'a kó kuu ñayii kenda te ndasa'a ña'a i
sukan ni ka sa'a ña'a ni ma.
9Ja vava'a kó kuu ñayii tnii suchi kuechi ni a
te skana ndee i suchi a nuu toto ma te jin kûu i.
Currently Selected:
Salmos 137: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
