Salmos 124
124
Salmo 124
Sukan ndakuan‑ta'vi o nuu Su'si ma ja ni chindee ña'a ya te ni kaku o nuu ja u'vi ma
1Nute ñatuu ni iyo Su'si ma ji'in o ma ja chindee ña'a ya ma,
―sa'a jin ndaka'an ni ja ka kuu ni ñayii ñuu Israel ma―,
2vaa nute ñatuu ni iyo Su'si ma ji'in o
nuu ni ka kenda koo ñayii ma ja jin kanaa i ji'in o ma,
3chi vaa jin kaa téku ña'a i nkuu,
vaa ni ka ndakiti xeen ini i nuu o ma.
4Nute ni wa'a ya tnu'u
chi kuenda tnu'u ja nuu ndute kua'a ma ka ñunee o nkuu,
te ñu'u ña'a de.
5Xi kuenda tnu'u ja jin kivi koo o nuu kínuu tna'a ndute ma,
te jin sa'vi ndi'i o nkuu,
nute ñatuu na Su'si ma ka iyo ji'in o ma.
6Iya va'a xeen ini kúu Su'si o a.
Vaa ñatuu ni wa'a ya tnu'u ja jin kayi'i ña'a ñayii ma.
7Te ni ka kaku o, sukan ka kaku lasaa ma
nuu nda'a tee ndúku ti ma,
vaa ñatuu ni kuu sukan ka ñu'u ini i ma, te ni ka kaku o.
8Vaa Su'si iya ni sa'a andivi ma ji'in ñu'ú ya
kúu iya ni sa'a ja ni ka kaku o
nuu ñayii ñatuu ka kunimani nuu o ma.
Currently Selected:
Salmos 124: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
