Salmos 123
123
Salmo 123
Sukan kakan‑ta'vi o ja na kunda'vi ini ña'a Su'si ma
1Nuu maa ni ni ndonenuu sa, vi Su'si,
ndijin ja iyo ni onde andivi a.
2Te nde'ya nda'vi nde'ya kee ña'a sa,
sukan‑va'a xi ma kunda'vi ini ña'a ni, vi Su'si.
Sukan nda'vi nde'ya in tee jinukuechi nuu jito'o de ma
ja na kunda'vi ini ña'a jito'o de ma, sukan kúu sa nuu ni.
Xi sukan nda'vi nde'ya in ña'a jinukuechi nuu jito'o ña ma
ja na kunda'vi ini ña'a jito'o ña ma,
sukan kúu sa nuu ni, vi Su'si.
3Te kunda'vi ini ña'a ni, Su'si maa sa,
vaa ka ndetu sa ja na kunda'vi ini ña'a ni,
vaa ñatuu ka kundee‑ka ini sa
ja ka ka'an ndeva'a ñayii ma ja jin kuu sa
te ka saxiko ña'a i a.
4Vaa ka kuxii ini sa ja ka jakundee ña'a ñayii ka kuxiku ma,
te ñatuu ka kanda‑ka sa ja ka saxiko ña'a
ñayii ka jani ini ja maa i ka kuu‑ka ma.
Currently Selected:
Salmos 123: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
