Salmos 122
122
Salmo 122
Sukan jin kakan‑ta'vi o nuu Su'si ma ja na jin koo mani ñayii ñuu Israel ma
1Saña chi ni ndusii ini sa ji'in ñayii ni ka ka'an sa'a ma:
“Jín koo o ve'e Su'si ma ja jín ndachiñu'u o ya”,
ni ka ka'an i.
2Te vitna ka iyo sa onde ye'e ñuu Jerusalén ya.
3Te ñuu Jerusalén ya kúu in ñuu núkuiñi vava'a,
sukan‑va'a ndaka ñayii ma jin ndatna'a ya'a.
4Vaa ya'a ka ndatna'a ndaka jichi ñayii ma,
sukan‑va'a jin ndachiñu'u ña'a i maa ni, vi Su'si,
vaa sukan ni tatnuni ni nuu tee kúu Israel ma.
5Vaa ya'a ka iyo nuu ka nukoo sa'ya tata David ma
ja ka tatnuni i nuu ñayii a,
te ya'a ka kenda koo ñayii ma ja ka kundaa tniñu i ma.
6Jín kakan‑ta'vi o nuu Su'si ma ja koo kuee ini ñuu Jerusalén a,
te sa'a jín kuña'a o ñuu Jerusalén a:
“Jerusalén, na jin koo vii jín koo va'a
ndaka ñayii ka kutoo ña'a a.
7Ñatuu nawa ko jin koyu'u ñayii ka iyo ini ro
ja kúu ro ñuu Jerusalén a,
te vivii jín ndatatu ñayii ka iyo ve'e ro a.
8Te ja na jin koo vii jín koo va'a
ndaka ñayii ka ketna'a ini ji'in ri a,
te jikan‑ta'vi ri nuu Su'si ma ja na koo kuee ja ko kuu ro.
9Te ja kúnda'vi ini ri ve'e nuu ka ndachiñu'u ri Su'si ma,
te chukan kúu ja ndimaa ko ndi ini ri
ja na koo vii koo va'a ro vi, ñuu Jerusalén.”
Sa'a jin kuña'a o ñuu a.
Currently Selected:
Salmos 122: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
