Salmos 121
121
Salmo 121
Maa in‑ni Su'si Iya Tátnuni ma kúu iya jito ña'a ndenu kua'an ndenu vee o ma
1Visi na ndonenuu sa ichi yuku ma,
ja kondetu sa ndenu kenda ja chindee ña'a,
2kovaa masu ndenu kenda,
vaa maa in‑ni Su'si Iya Tátnuni ma,
iya ni sa'a andivi ma ji'in ñuu ñayivi a,
kúu iya kuu chindee ña'a.
3Vaa masu kua'a ya tnu'u ja kendeka ja'a o a,
te ni masu kusu ya ja jito ñukuun ña'a ya.
4Te ni masu na ñuma'na nuu ya,
ni masu iya kusu kúu iya jito ñayii ñuu Israel a.
5Te maa Iya Tátnuni ma kúu iya jito va'a ña'a ma,
te iyo yatni ya sukan iyo kuanda'vi o a
ja iyo ichi nda'a kua'a o a.
6Te kandii ma chi másu skuita ña'a i nduu ma,
visi i'ni xeen ma,
ni a yoo ma, masu nawa sa'a ña'a i jakuaa ma.
7Te maa Iya Tátnuni ma kúu iya ko koto va'a ña'a
ja kaku o nuu ndaka ja u'vi ma,
te suni ko koto va'a ya anua o a.
8Te maa Iya Tátnuni ma koto va'a ña'a ndenu ni kee o kua'an o,
te ndenda va'a o.
Onde vitna te ni‑kani ni‑jika ko koto va'a ña'a ya.
Currently Selected:
Salmos 121: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
