Salmos 111
111
Salmo 111
Su'si ma, jito va'a ya ñayii ñuu ya ma
1Ni‑yu'u ni‑ini sa ndachiñu'u sa Su'si Iya Tátnuni ma
nuu ka ndatna'a sa ji'in ndaka ñayii
ka iyo va'a ka iyo ndaa nuu Su'si ma.
2Kua'a xeen ja vii ja luu ni sa'a Su'si ma,
te ñayii ka kuu sii ini ja ka nde'ya i ma,
te ñukuun ka ndanduku‑ka i,
sukan‑va'a jin ndasa'a i kuenda sukan kaa sukan iyo
ja ni sa'a ya ma.
3Ja vii ja yiñu'u kúu ja ni sa'a ya ma, te jin koo i ni‑kani ni‑jika.
Suni tnu'u ndaa tnu'u ndija ya ma koo ni‑kani ni‑jika.
4Ndaka milagru ni sa'a ya ma masu jin ndunaa o,
vaa iya nda'vi xen‑xeen ini kúu Su'si o Iya Tátnuni ma,
te kuee ini ya.
5Te ñayii ka yu'u Su'si ma ja iya ndákan kuenda nuu o kúu ya,
te ñatuu‑ka na ja u'vi ka sa'a i ma,
chi ñukuun wa'a ya ndaka ja jin kaa jin ko'o i ma,
vaa ni masu ndunaa ya ja ni skuiso ya nuu o ma.
6Ni kaxtnu'u ya nuu ñayii kúu ñuu ya ma
sukan iyo tnu'u ndee tnu'u ndatnu ya ma,
nuu ni ndakua'a ya i ñu'ú nuu ni ka yo kuu ta'vi ñayii
in‑ka ñuu ma.
7Te ndaka ja ni sa'a ya ji'in nda'a ya ma
inuu kúu ji'in tnu'u ndaa tnu'u ndija ká'an ya ma
ji'in sukan jani ini ya ma.
Te tnu'u tátnuni ya ma chi kuu jin kukanu ini o,
vaa ja va'a kúu.
8Te ni‑kani ni‑jika koo tnu'u tátnuni ya a,
te masu na in ka'an ja masu ja ndaa kúu,
vaa tnu'u ndaa tnu'u ndija kúu, te kuu jin kukanu ini o.
9Ya'vi xeen ni ndachunaa Su'si ma ja jin kaku ñayii kúu ñuu ya ma,
vaa sukan ni skuiso ya ja sa'a ya ji'in ñayii kúu ñuu ya ma,
te sukan ko kuu ni‑kani ni‑jika.
Vaa iya ii kúu ya, te iyo ya ja jin koyu'u o ya,
vaa ndakan ya kuenda nuu o a.
10Ja ko kuu o in ñayii ndichi ma kúu
ja koyu'u o Su'si Iya Tátnuni ma
te máko ko sa'a‑ka o ja u'vi ma.
Vaa ñayii kándija te sa'a i sukan tátnuni Su'si ma
chi janitnuni va'a‑ka koneva'a i,
te ko ndachiñu'u i Su'si ma ni‑kani ni‑jika.
Currently Selected:
Salmos 111: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
