Salmos 110
110
Salmo 110
Maa Su'si ma wa'a tnu'u ndee tnu'u ndatnu nuu rey ma
1Su'si Iya Tátnuni ma jiña'a nuu iya tátnuni nuu sa a:
“Kunukoo ro xiñi kua'a ri a, te onde nú ni kundee ri skendoo ri
ndaka suchi ñatuu ka kunimani nuu o ma chii ja'a ro a,
te kuiñi ndoso ro i”,
kúu ya jiña'a ya nuu iya tátnuni nuu sa a.
2Iya Tátnuni ma tetniñu onde ñuu Sion ma
yutnu xii kinda'a ni ja tatnuni ni ma,
te kundee ni tatnuni ni nuu ñayii ñatuu ka kunimani nuu ni ma.
3Ñayii ñuu ni ma, ka iyo tu'va i ja jin chindee ña'a i,
te kundee ni nuu ñayii ñatuu ka kunimani nuu ni ma.
Te ñayii ñuu ni ma, jin koo vii jin koo ndoo i,
vaa ñatuu‑ka na ja u'vi ka sa'a i.
Te kuta'vi ni yuyu xtnee ne'e ma,
ja ni yo iyo ji'in ni onde nuu ni iyo jaa ni ma.
4Vaa maa Iya Tátnuni ma ni skuiso, te masu ndakani ini ya,
te sa'a ni ka'an ya:
“Maa ro kúu sutu ni‑kani ni‑jika
sukan ni yo kuu tee kúu Melquisedec ma,
ja ni yo kuu de sutu ma”,
kúu ya jiña'a ya nuu iya tátnuni nuu sa ma.
5Te Su'si Iya Tátnuni ma, núkuiñi ya xiñi kua'a ni a,
te maa ya sa'a ja jin skenaa tee ka kuu rey ma
kivi kaxtnu'u ya sukan ndákiti ini ya nuu de ma.
6Vaa maa ya ndakan kuenda nuu ndaka ñayii ñuu ñayivi a,
te ndasotna'a ndasotnii ya ñunde'yu ñayii ni ka ji'i ma,
vaa kua'a xeen ñayii ka iyo ñuu ñayivi a
ja ñatuu ka kunimani i nuu ya ma,
kaxi ya xini i ma.
7Te ichi kua'an ya ma ko'o ya ndute jika yute ma,
te ndatnii ya tnu'u ndee tnu'u ndatnu.
Currently Selected:
Salmos 110: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
