Salmos 100
100
Salmo 100
Ndimaa jin ndakuan‑ta'vi o nuu Su'si ma
1Ndaka o ja ka iyo o ni‑ka'nu ñuu ñayivi a,
jín ndachiñu'u sii ini o Su'si ma,
2te jín kunukuechi sii ini o nuu Su'si o Iya Tátnuni ma.
Ne'e koo sii ini ni nuu iyo ya a.
3Te jín kona'a o ja Su'si ma ni sa'a ndi‑in ndi‑in o a,
te kuenda maa ya ka kuu o, te ñuu maa ya ka kuu o,
te ndikachi korraa maa ya ka kuu o.
Chukan kúu ja jin ndakunitnuni ni
ja maa ya kúu Su'si o Iya Tátnuni ma.
4Te jín kivi koo o ye'e veñu'u nuu iyo ya ma,
te jín kata o nuu ya, te jín ndachiñu'u o ya,
te jín ndaka'an jín ndakachi o ndaka ja vii ja va'a sa'a ya ma.
Te sukan jín ndakuan‑ta'vi o nuu ya ndaka ja va'a táa ya ma.
5Vaa Su'si o Iya Tátnuni ma chi iya va'a ini kúu ya,
te ni‑kani ni‑jika kúnda'vi ini ña'a ya,
te nuu ndaka sa'ya tata ñayii ma
iyo tnu'u ndaa tnu'u ndija ya ma.
Currently Selected:
Salmos 100: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
