Bafilipi 3
3
Ku luka kwa niti
1Ka ku feleleza, banabahesu, Mulena a mi fe tabo ye tuna ka ku kopana hamoho ni yena. Ha ku ni katazi ku kutela hape ze ni se ni ñozi pili, kakuli li ka tusa kwa ku mi sileleza. 2Mu tokomele ba ba eza ze maswe, zona linja zeo, batu bao ba ba tundamezi ku holofaza mubili! 3Ba mupato wa niti ki luna, isiñi bona, kakuli lu lapela Mulimu ka Moya wa hae, mi lu itumba ka Jesu Kreste. Ha lu beyi sepo ya luna ku ze ezwa ki batu. 4Kwa utwahala kuli na, ni na ni mabaka ao ne ni ka beya sepo ya ka ku ze cwalo ka ona. Haiba u teñi mutu ya ka hupula kuli wa kona ku silelezwa ki ze ezwa ki batu, mutu yo ki na. 5#Lik 23.6; 26.5; Baro 11.1 Ni isizwe kwa mupato ni nze ni na ni sunda i liñwi feela ya ku pepwa. Ka sipepo ni Muisilaele, wa lusika lwa Benjamine, ni Muheberu luli ya tezi. Haili ka ku buluka Mulao wa Sijuda, ne ni li Mufalisi. 6#Lik 8.3; 22.4; 26.9-11 Ka ku tukufalelwa Mulao ne ni nyandisa Keleke. Mw'a n'a ka konela mutu ku ba ya lukile, ka ku buluka litaelo za Mulao, fo ne ni si na mulatu. 7Kono lika zeo, ze ne ni bala kuli ki za butokwa, ka nako ye ni li talima inge ki sinyehelo, kabakala Kreste. 8Mi isiñi zeo feela, kono ni talima lika kaufela inge ki sinyehelo, kabakala bufumu bo butuna ni ku fita bwa ku ziba Jesu Kreste Mulen'a ka. Kabakala hae, ni ambukile lika kamukana. Ni se ni li talima inge matakala feela, ili kuli ni be, mi ni siyale ni Kreste, 9mi ni kopane ni yena luli. Ha ni sa ikuhumusa ni bulela kuli ni lukile ka ku mamela Mulao. Ki ka ku lumela ku Kreste ha ni li ya lukile. Ku luka ko ku zwa ku Mulimu, mi ku fiwa ku luka ki yena ka tumelo. 10Se ni bata feela, ki ku ziba Kreste ni maata a zuho ya hae, ku nyanda ni yena, ni ku swana ni yena mwa lifu la hae, 11ka sepo ya kuli ni na kasibili ni ta zuswa kwa bafu, ni pile.
Ku matela kwa sikonkwani
12Ha ni buleli kuli ni se ni fitile kwa sikonkwani kamba kuli ni se ni li ya lukile, batili! Kono, ni sa lika ku fumana mupuzo w'a ni bizelize Jesu Kreste. 13Luli banabahesu, ha ni hupuli kuli ni se ni fumani mupuzo. Kono ni eza nto ye ñwi. Ni libala ze kwamulaho wa ka, mi ni eza mo ni konela kaufela ku fita ku ze kwapili. 14Cwalehe, ni matela kwa sikonkwani kuli ni fumane mupuzo, ili bupilo sakata bwa lihalimu, bo Mulimu a ni bizeza ku bona, ka Jesu Kreste.
15Kaufel'a luna, bakreste ba ba na ni kutwisiso, lu lukela ku ikutwa cwalo. Mi haiba ba bañwi ba mina ba na ni maikuto a fapahani, Mulimu u ta mi bonisa nzila. 16Kono ku be cwañi kapa cwañi, a lu zweleñipili mwa nzila ye lu zamaile ka yona ku fitela cwale.
17 #
1 Bakor 4.16; 11.1 Mu like ku ni likanyisa kaufel'a mina, banabahesu. Lu mi file mutala o munde. Mu latelele ba ba zamaya ka ona. 18Ni se ni mi bulelezi hañata, mi ni sa kutela ku mi bulelela ni nze ni lotisa mioko. Ki ba bañata ba ba pila inge ki lila za lifu la Kreste fa sifapahano. 19Ba ta felela mwa ku sinyeha, kakuli mulimu wa bona ki mba ya bona. Ba itumba ka ze swanezi ku ba swabisa, mi ba hupula feela lika za lifasi le. 20Haili luna, munzi wa luna u kwa lihalimu, mi lu libelezi kuli Mupilisi wa luna, yena Mulena Jesu Kreste a zwe kwateñi. 21U ta fetula mubili wa luna o' fokola, ku u eza sina mubili wa hae wa kanya, ka maata ao a kona ka ona ku tisa lika kamukana mwatas'a puso ya hae.
Currently Selected:
Bafilipi 3: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Bafilipi 3
3
Ku luka kwa niti
1Ka ku feleleza, banabahesu, Mulena a mi fe tabo ye tuna ka ku kopana hamoho ni yena. Ha ku ni katazi ku kutela hape ze ni se ni ñozi pili, kakuli li ka tusa kwa ku mi sileleza. 2Mu tokomele ba ba eza ze maswe, zona linja zeo, batu bao ba ba tundamezi ku holofaza mubili! 3Ba mupato wa niti ki luna, isiñi bona, kakuli lu lapela Mulimu ka Moya wa hae, mi lu itumba ka Jesu Kreste. Ha lu beyi sepo ya luna ku ze ezwa ki batu. 4Kwa utwahala kuli na, ni na ni mabaka ao ne ni ka beya sepo ya ka ku ze cwalo ka ona. Haiba u teñi mutu ya ka hupula kuli wa kona ku silelezwa ki ze ezwa ki batu, mutu yo ki na. 5#Lik 23.6; 26.5; Baro 11.1 Ni isizwe kwa mupato ni nze ni na ni sunda i liñwi feela ya ku pepwa. Ka sipepo ni Muisilaele, wa lusika lwa Benjamine, ni Muheberu luli ya tezi. Haili ka ku buluka Mulao wa Sijuda, ne ni li Mufalisi. 6#Lik 8.3; 22.4; 26.9-11 Ka ku tukufalelwa Mulao ne ni nyandisa Keleke. Mw'a n'a ka konela mutu ku ba ya lukile, ka ku buluka litaelo za Mulao, fo ne ni si na mulatu. 7Kono lika zeo, ze ne ni bala kuli ki za butokwa, ka nako ye ni li talima inge ki sinyehelo, kabakala Kreste. 8Mi isiñi zeo feela, kono ni talima lika kaufela inge ki sinyehelo, kabakala bufumu bo butuna ni ku fita bwa ku ziba Jesu Kreste Mulen'a ka. Kabakala hae, ni ambukile lika kamukana. Ni se ni li talima inge matakala feela, ili kuli ni be, mi ni siyale ni Kreste, 9mi ni kopane ni yena luli. Ha ni sa ikuhumusa ni bulela kuli ni lukile ka ku mamela Mulao. Ki ka ku lumela ku Kreste ha ni li ya lukile. Ku luka ko ku zwa ku Mulimu, mi ku fiwa ku luka ki yena ka tumelo. 10Se ni bata feela, ki ku ziba Kreste ni maata a zuho ya hae, ku nyanda ni yena, ni ku swana ni yena mwa lifu la hae, 11ka sepo ya kuli ni na kasibili ni ta zuswa kwa bafu, ni pile.
Ku matela kwa sikonkwani
12Ha ni buleli kuli ni se ni fitile kwa sikonkwani kamba kuli ni se ni li ya lukile, batili! Kono, ni sa lika ku fumana mupuzo w'a ni bizelize Jesu Kreste. 13Luli banabahesu, ha ni hupuli kuli ni se ni fumani mupuzo. Kono ni eza nto ye ñwi. Ni libala ze kwamulaho wa ka, mi ni eza mo ni konela kaufela ku fita ku ze kwapili. 14Cwalehe, ni matela kwa sikonkwani kuli ni fumane mupuzo, ili bupilo sakata bwa lihalimu, bo Mulimu a ni bizeza ku bona, ka Jesu Kreste.
15Kaufel'a luna, bakreste ba ba na ni kutwisiso, lu lukela ku ikutwa cwalo. Mi haiba ba bañwi ba mina ba na ni maikuto a fapahani, Mulimu u ta mi bonisa nzila. 16Kono ku be cwañi kapa cwañi, a lu zweleñipili mwa nzila ye lu zamaile ka yona ku fitela cwale.
17 #
1 Bakor 4.16; 11.1 Mu like ku ni likanyisa kaufel'a mina, banabahesu. Lu mi file mutala o munde. Mu latelele ba ba zamaya ka ona. 18Ni se ni mi bulelezi hañata, mi ni sa kutela ku mi bulelela ni nze ni lotisa mioko. Ki ba bañata ba ba pila inge ki lila za lifu la Kreste fa sifapahano. 19Ba ta felela mwa ku sinyeha, kakuli mulimu wa bona ki mba ya bona. Ba itumba ka ze swanezi ku ba swabisa, mi ba hupula feela lika za lifasi le. 20Haili luna, munzi wa luna u kwa lihalimu, mi lu libelezi kuli Mupilisi wa luna, yena Mulena Jesu Kreste a zwe kwateñi. 21U ta fetula mubili wa luna o' fokola, ku u eza sina mubili wa hae wa kanya, ka maata ao a kona ka ona ku tisa lika kamukana mwatas'a puso ya hae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.