Mubuleli 2
2
1Na hupula ku itabisa, ni kuli ni fumane mo i inezi tabo, kono na fumana kuli ni yona ha i na tuso. 2Na lemuha kuli ku seha-seha ki bukuba, ni kuli minyaka ha i na se i tusa. 3Ka ku susuezwa ki takazo ya ka ya ku bata butali, na lela ku itabisa ka waine kuli ni be ni nako ye nde. Na hupula kuli, ye ki yona nto ye nde, ye ba ka eza batu ka nako ya bupilo bwa bona bo bu kuswani mwa lifasi.
4 #
1 Male 10.23-27; 2 Lita 9.22-27 Na eza misebezi ye mituna. Na icahela mandu mi na cala masimu a likota za veine. 5Na cala masimu a milohu ni likota za miselo, mo ku na ni likota za mifuta-futa. 6Na yepa tusa twa mezi a ku li nwisezanga. 7#1 Male 4.23 Na leka batanga ba bañata, mi ne ku na ni batanga ba ba ne ba pepezwi mwa sibaka sa ka. Na luwa limunanu ze ñata ku fita mañi ni mañi ya n'a pilile mwa Jerusalema. 8#1 Male 10.10, 14-22 Hape na ikubukanyeza silivela ni gauda ze ne li zwa mwa lipulukelo za bulena bwa manaha a ne ni busa. Ne ni tabiswa ki banna ni basali ba ba ne ba ni opelelanga, mi ne ni na ni basali kaufela b'a n'a ka bata mutu.
9 #
1 Lita 29.25
Ee, ne ni li mutu yo mutuna ku fita mutu kaufela ya n'a pilile mwa Jerusalema, mi butali bwa ka ne bu si ka fela. 10Sifi ni sifi se ne ni bata, ne ni si fumana. Ne ni sa itimi minyaka ifi ni ifi. Ne ni ikuhumusa ka lika kaufela ze ne ni sebelelize, mi zeo kaufela n'e li ona mupuzo wa ka. 11Cwale na hupula ze ne ni ezize kamukana, ni mo ne ni sebelelize ka tata ha ne ni li eza, kiha ni lemuha kuli kanti mane ne li sa talusi se siñwi. Ne ku swana inge ku lelekisa moya, ili nto ye si na tuso ni hanyinyani. 12Hakulicwalo, mulena u kona ku eza feela ze n'e ezizwe ki malena ba bañwi ba ba ne ba li teñi pili.
Cwale na kala ku nahana kuli ku ba ni butali, butanya kamba bukuba ku talusañi. 13Ehee, na ziba butali ki bo bunde ku fita bukuba, sina liseli ha li li le linde ku fita lififi. 14Batu ba ba butali ba kona ku bona ko ba ya, kanti likuba zona nyaa. Kono hape na ziba kuli kaufel'a luna lu libelelezwi ki bumai bo bu swana. 15Na ikupula ni nosi, na li, “Se si ezahala kwa likuba si ta ezahala ni ku na. Cwale se ni kutezwi ka ku ba ni butali cwalo ki sifi?” Na alaba, na li, “Ha siyo. Ha ku na ni se sikana.” 16Ha ku na ya hupula batu ba ba butali, mi ha ku na ya hupula likuba. Mwa mazazi a sa taha, kaufel'a luna lu ta libalwa. Lu swanezi ku shwa kamukwaoswana, kamukan'a luna, i ka ba ba ba butali kamba likuba. 17Cwale bupilo ha si se siñwi ku na, kakuli za bona kaufela ha li na se li ni tiselize haisi manyando. Kaufel'a zona ne li si na tuso. Ne ni ndaamanisa feela moya.
18Ze ni belekile kaufela ni ku li fumana ha li na se li talusize ku na, kakuli ne ni ziba kuli ni ta li siyela shwana wa ka. 19Mi mwendi n'a ka swana a ba ni butali, kamba a ba ni bukuba. Ya ziba ki mañi? Nihakulicwalo u ta luwa lika kamukana ze ni belekile, ili lika kamukana ze ni fumani ka butali bwa ka mwa lifasi le. Zeo kamukana ha li na tuso. 20Cwale na kala ku inyaza kuli ni sebelelizeñi cwalo ka tata! 21Wena mutu, u belekele sika ka butali bwa hao kaufela, ka zibo ni bukwala, mi hape u na ni ku si siyela mutu ya si ka si sebeleza. Ha ku na tuso, mi ha ku si ka luka! 22U sebeza ka tata mwa bupilo bwa hao kaufela, mi kwa mafelelezo u ta kutelwa kiñi? 23#Job 5.7; 14.1 Lika kamukana z'o eza ha u sa pila ha li na se li tisa haisi mukatala ni masita-pilu. Nihaili busihu ha u koni ku pumula. Zeo kaufela ha li na tuso.
24 #
Mub 3.13; 5.18; 9.7; Isa 56.12; Luk 12.19; 1 Bakor 15.32 Nto ye nde ka ku fitisisa y'a ka eza mutu ki ku ca ni ku nwa, mi a ikole z'a s'a fumani. Mi nihakulicwalo ni lemuhile kuli nihaili zona zeo, li zwa ku Mulimu. 25Ki ka mukwa ufi hape w'a ka fumana mutu sa ku ca, kamba ku itabisa? 26#Job 32.8; Mash 2.6 Mulimu u fa butali, zibo, ni tabo ku b'a lata, kono u belekisa baezalibi ba nze ba hola ni ku buluka, ili kuli ze ba fumana li kone ku fiwa yo muñwi y'o lata hahulu. Ha ku na tuso. Ku swana ni ku landamanisa moya.
Lozi Interconfessional Bible, Catholic Edition © Bible Society of Zambia, 2009.