E kanto di tur kanto 6
6
(Mucha muhénan di stat)
1Na unda bo amor a bai antó,
mucha bunita?
Kua direkshon el a kohe?
Nos ke yuda bo busk'é.
Mucha muhé
2Mi amor a tumba pa su hòfi,
bai n'e kamanan di yerb'i bálsamo
pa gosa barika yen den su matanan
i piki leli.
3Mi ta di mi amor
i mi amor ta di mi.
E ta gosa barika yen
meimei dje lelinan.#E Kanto di tur Kanto 2:16
Mucha hòmber
4Bo ta bunita, dushi di mi,
mes bunita ku e siudat Tirsa,#6:4 Tirsa: kapital di Israel, e reino di nort promé ku Samaria#1 Reinan 15:21
mes elegante ku Herusalèm,
ma tambe fasinante
manera un ehérsito marchando tra'i bandera.#6:4 manera…bandera òf manera un fenómeno straño na shelu
5No wak mi asina,
bo wowonan ta tolondrá mi.
Bo kabei ta pone mi kòrda
trupa di kabritu dartu,
ku manera ola ta lora baha for di serunan di Guilead.
6Bo djentenan parse un trupa di karné,
ora nan sali fo'i bak'i awa,
kada un ku su pia di ohochi,
niun no ta so.#E Kanto di tur Kanto 4:1-2
7Tras di bo belo bo dos band'i karanan
ta rondó i kòrá
manera dos mitar granatapel.
Kanto di Amor
Mucha hòmber
8Tin sesenta reina, ochenta konkubina,
un sin número di mucha muhé,
9pero manera mi palomita, ún so tin,
e so ta perfekto.
Pa su mama no tin manera e,
den su bista e ta esun di mas bunita.
E mucha muhénan ku mir'é
ta konsider'é felis;
e reina- i konkubinanan ta elogi'é:
10‘Ken ta pinta#6:10 pinta; otro posibel tradukshon: ta wak abou manera ourora,
ta kla manera luna,
radiante manera solo,
fasinante manera un ehérsito marchando tra'i bandera?’#6:10 fasinante…bandera: mira nota 2
11M'a tumba p'e hòfi di pal'i nechi
pa mira si spreitnan a sali den vaye,
si matanan di wendrùif a rama kaba
i si palunan di granatapel ya a floria.
Mucha muhé
12Mi no ta kaba di komprondé,
t'asina mi ta,
kargando energia di mi pueblo noble.#6:12 kargando…noble: tradukshon probabel; hebreo di e versíkulo akí no ta kla. Otro posibel tradukshon: Mi tabata sintá riba wahanan di Aminadab.
(Otronan)
13 # 6:13—7:13 ta korespondé ku v. 7:1-14 den teksto hebreo. Otra, otra, Shulamita!#6:13 Shulamita: e nòmber por ta un alushon na nòmber di rei Salomon
Drei rònt, drei rònt,
nos ke gosa bo!
Mucha hòmber
Ki gosa Shulamita kiko!
E ta eksperto antó den baile di dos kampo?
Currently Selected:
E kanto di tur kanto 6: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
