Revelashon 22
22
1E ora ei e angel a mustra mi un riu ku awa ku ta duna bida,#Ezekiel 47:1,12; Zakarías 14:8 un awa kla manera kristal; e riu a kuminsá na trono di Dios i di e Lamchi. 2Meimei di e kaya prinsipal di siudat i na kada banda di e riu tabatin palu ku ta duna bida.#Génesis 2:9 Nan ta duna fruta diesdos bia pa aña, tur luna un bia. Nan blachinan ta trese kura pa e nashonnan. 3Lo no haña den siudat nada ku Dios su maldishon#Génesis 3:17 ta sosegá riba dje. Dios i e Lamchi lo tin nan trono den siudat, i sirbidónan di Dios lo ador'É. 4Nan lo mir'É#Salmo 17:15; Mateo 5:8; 1 Huan 3:2 i su nòmber lo ta riba nan frenta. 5Lo no tin anochi mas i e habitantenan di e siudat no tin mester mas di lus#Isaías 60:19; Revelashon 21:23 di un lampi òf di solo, pasobra Señor Dios lo ta nan lus i nan lo goberná manera rei te den tur eternidat.#Daniel 7:18
Un shelu nobo i un tera nobo
6E ora ei mi a tende ku tabata bisa mi: ‘E palabranan akí ta fidedigno i konfiabel. Señor Dios ku ta inspirá e profetanan, a manda su angel pa mustra su sirbidónan loke mester sosodé pronto. 7Tende, Mi ta bini pronto. Felis esnan ku ta tuma e mensahe profétiko di e buki akí na pechu.’
8Ami, Huan, t'esun ku a tende i mira tur e kosnan akí. I despues ku mi a tende i mira e kosnan akí, mi a kai na pia di e angel ku a mustra mi tur kos, pa ador'é. 9Pero el a bisa: ‘Stòp! Ta un sirbidó mi ta, meskos ku bo i bo rumannan, e profetanan i esnan ku ta tuma mensahe di e buki akí na pechu. Adorá Dios!’ 10Ademas el a bisa: ‘No tene e mensahe profétiko di e buki akí sekreto, pasobra ora di su kumplimentu ta serka. 11Es ku ta hasi malu, sigui hasi malu numa, es ku ta impuru, sigui hasi su mes impuru numa. Es ku ta hasi bon, sigui hasi bon numa, es ku ta santu, keda santu.’#Daniel 12:10
12Despues mi a tende bisa: ‘Tende, Mi ta bini pronto. Mi ta bini ku e rekompensa pa duna kada hende di akuerdo ku loke el a hasi.#Yeremías 17:10 13Mi ta Alfa i Omega,#Revelashon 1:8 Esun promé i Esun delaster,#Isaías 41:4; 44:6; 48:12; Revelashon 1:17; 2:8 orígen i fin. 14Felis esnan ku ta laba nan paña i asina haña derecho di kome for di e palu ku ta duna bida#Génesis 2:9; 3:22 i drenta siudat via di e portanan. 15Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.
16Ami, Hesus, a manda mi angel pa anunsiá tur e kosnan akí na boso den e iglesianan. Mi ta David su desendiente,#Isaías 11:1,10 e strea di mardugá briante.’
17Spiritu di Dios i brùit ta bisa: ‘Bini!’ I es ku tende esei, bisa tambe: ‘Bini!’ I es ku tin set, bini numa; i es ku ke awa ku ta duna bida, bini numa i tum'é, pòrnada.#Isaías 55:1; Huan 4:10,14; 7:37
18Ami, Huan, ta deklará na tur hende ku tende e mensahe profétiko di e buki akí: si un hende añadí algu n'e, Dios lo añadí e plaganan ku tin skibí den e buki akí na e hende ei. 19I si un hende kita algu for di e palabranan di e mensahe profétiko akí, Dios lo kita e hende ei su parti for di e palu ku ta duna bida i for di e siudat santu, ku tin deskribí den e buki akí.#Deuteronomio 4:2; 12:32 20Esun, ku ta deklará esaki, ta bisa: ‘Sigur, Mi ta bini pronto!’
Amèn! Bini Señor Hesus! 21Grasia di Señor Hesus#22:21 Hesus; otro manuskrito tin: Hesu-Kristu sea ku boso tur.#22:21 Tin manuskrito ku ta añadí: Amèn.
Currently Selected:
Revelashon 22: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
