Revelashon 18
18
Kaida di Bábel
1Despues mi a mira un otro angel baha for di shelu. E tabatin gran poder i su splendor tabata iluminá mundu. 2El a grita ku stèm fuerte:
‘El a kai! Bábel, e siudat grandi a kai.#Isaías 21:9; Yeremías 51:8; Revelashon 14:8
El a bira un lugá di biba pa demoño,
un lugá di skonde pa tur sorto di mal spiritu,
un lugá di skonde pa tur sorto di para impuru,
un lugá di skonde pa tur sorto di bestia impuru#18:2 un lugá di skonde pa tur sorto di bestia impuru: tin manuskrito ku no tin e palabranan akí i repugnante.#Isaías 13:21; Yeremías 50:39; Barug 4:35
3Tur pueblo a bebe di e biña tèrko di su inmoralidat,
e reinan di mundu a kometé inmoralidat kuné,#Isaías 23:17; Yeremías 51:7
i e komersiantenan di mundu a bira riku dor di su dekadensia sin límite.’
4E ora ei mi a tende un otro stèm for di shelu, ku a bisa:
‘Sali fo'i dje, mi pueblo!#Isaías 48:20; Yeremías 50:8; 51:6,45
Sino boso ta bira kómplise di su pikánan
i e plaganan ku ta bini riba dje, lo afektá boso tambe.
5Pasobra su pikánan a monta yega te na shelu#Génesis 18:20-21; Yeremías 51:9
I Dios no a lubidá su maldatnan.
6Trat'é manera el a trata boso,
pag'é dòbel bèk di loke el a hasi ku boso.#Salmo 28:4; 137:8; Yeremías 50:29
Basha kos di bebe den su beker ku ta dòbel mas stèrki
ku loke el a duna boso pa bebe.
7Kous'é mes tantu doló i fèrdrit
ku e luho i dekadensia ku el a pèrmití su mes.
Pasobra e ta bisa den su mes:
“Mi ta sinta manera un reina riba mi trono!
Mi no ta biuda, mi no tin mester di bisti rou nunka.”
8P'esei tur plaga lo afekt'é un dia:#Isaías 47:7-9
pèst, rou i mizeria di hamber.
Lo e kima den kandela,
pasobra Señor Dios ku ta husg'é, ta poderoso.’
9E reinan di mundu, su kompinchinan den inmoralidat i dekadensia, lo yor'é i ta tristu pa su motibu, ora nan mira huma di e kandela ku ta kim'é. 10Nan lo keda para na un distansia di miedu pa sufri su tortura huntu kuné i bisa:
‘Horibel, esta horibel!
Bábel, siudat grandi, siudat poderoso,
den un ora a dikta bo sentensia!’#Ezekiel 26:16-17
11E komersiantenan di mundu tambe lo tene rou p'e, pasobra no tin ningun hende mas ku ta kumpra nan merkansia:#Ezekiel 27:31,36 12nan karga di oro, plata, piedra presioso i pèrla, lenen fini i seda, tela koló püs i kòrá kòrá, tur e sortonan di palu ku ta hole dushi, i tur opheto di ivor, palu presioso, bròns, heru i marmer; 13kané, speserei, sensia ku ta hole dushi, mira i sensia; biña, zeta di oleifi, hariña i trigo; bestia di karga i karné, kabai i garoshi, katibu i asta bida di hende.#Ezekiel 27:12-13,22 14Nan ta bisa:
‘Tur e produktonan ku bo tabata asina loko kuné a disparsé,
tur bo luho i bunitesa a bai pèrdí,
no por haña nan niun kaminda mas.’
15E komersiantenan ku a bira riku dor di dje, lo keda para na un distansia di miedu pa sufri su tortura huntu kuné. Nan lo yora i tene rou:#Ezekiel 27:31,36 16‘Horibel, esta horibel!
E siudat grandi ei,
semper bistí na lenen fini,
paña koló püs i kòrá kòrá,
dòrná ku oro, piedra presioso i pèrla!
17Den un ratu di ora tur e rikesa ei a kaba na nada.’
Tur kapitan, pasahero, matros i tur otro hende ku ta traha riba laman, tabata pará na un distansia#Isaías 23:14; Ezekiel 27:26-30 18ta grita, ora nan a mira huma di e kandela den kua e tabata kima. Nan a grita: ‘E siudat grandi akí no a konosé su pareu!’#Ezekiel 27:32 19Nan a stroi tera riba nan kabes i a grita. Nan a yora, keha i bisa:
‘Horibel, esta horibel!
E siudat grandi ei!
Tur doño di barku a bira riku dor di su tesoronan.
Den un ora e tesoronan a kaba na nada.#Ezekiel 27:30-34
20Shelu, alegrá bo p'esei,#Deuteronomio 32:43; Yeremías 51:48
i boso tambe, hende ku ta pertenesé na Dios,
apòstel i profeta,
pasobra Dios a konden'é
pa tur loke el a hasi ku boso.’
21E ora ei un angel poderoso a kohe un piedra, mes grandi ku un piedra di mulina. El a benta esei den laman i bisa:
‘Asina, ku violensia,
lo basha, Bábel, e siudat grandi, abou#Yeremías 51:63-64
i lo no hañ'é nunka mas bèk.#Ezekiel 26:21
22Lo no tende zonido di arpa,
kantamentu, flùit i tròmpèt,#Isaías 24:8; Ezekiel 26:13
mas den bo.
Lo no haña niun artesano mas den bo,
ni tende zonido di mulina mas den bo.
23Lus di lampi lo no bria mas den bo,
lo no tende stèm di brùit i brùidehòm mas den bo.#Yeremías 7:34; 25:10
Pasobra bo komersiantenan tabata e hendenan importante riba mundu
i pa medio di bo bruheria a gaña tur pueblo.
24Bábel ta kulpabel na dramamentu di sanger
di e profetanan i di e hendenan ku ta pertenesé na Dios,
sí, di tur ku a keda asesiná na mundu.’#Yeremías 51:49
Currently Selected:
Revelashon 18: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
