Yozue 15
15
Teritorio di tribu di Huda
1E teritorio ku e famianan di tribu di Huda a haña, ora a tira lòt, tabata yega te na frontera di Edom, na desierto Sin i e punta di mas zùit di Neguèb.
2Parti zùit e frontera tabata kuminsá na kosta zùit di Laman Morto, 3pasa zùit di Pasashi di Skarpion i sigui bai Sin. E tabata pasa zùit di Kadesh-Barnea, sigui bai Hèsron, yega te na Adar, lora bai Karka pa e sigui di ei bai 4Asmon i bin sali na e roi parti ost di Egipto, bai kaba den laman. Esaki tabata pa henter Israel e frontera parti zùit.
5Parti ost e frontera tabata kore pareu ku Laman Morto i tabata yega te na boka di riu Yordan. Einan kantu di awa e frontera parti nort tabata kuminsá. 6E tabata subi bai Bet-Hogla, pasa nort di Bet-Araba, sigui subi te na baranka di Bohan. (Bohan tabata un yu hòmber di Ruben.) 7Despues e frontera tabata subi di vaye di Akor bai Debir, lora na nort bai Guilgal, ku tabata dilanti di Pasashi di Adumim i zùit di e riu, pasa banda di bròn di En-Shèmèsh i sali na En-Rogel. 8Djei e tabata pasa den vaye Bèn-Hinom kantu di bahada zùit di e seru di e yebusitanan, esta Herusalèm, subi kabes di e seru ku ta keda parti wèst dilanti di vaye Bèn-Hinom, kaminda parti nort vaye di e refaítanan ta kaba. 9Di e kabes di seru e frontera tabata lora bai bròn di Nèftoag pa e sigui bai sali na e siudatnan di e serunan di Efron i lora bai Baala, esta Kiriat-Yearim. 10For di Baala e frontera tabata bolbe bai den direkshon wèst i lora bai seru Seír. Despues e tabata pasa nort di e bahada di seru di Yearim, kaminda Kesalon ta keda, baha bai te na Bet-Shèmèsh i sigui bai Timna. 11Djei e frontera tabata pasa parti nort di seru di Ekron, lora bai Shikaron, bai seru di Baala, sali na Yabneel pa bin kaba den laman.
12E frontera wèst tabata kosta di Laman Mediteráneo. Esaki ta na tur banda e fronteranan di teritorio di e famianan di tribu di Huda.
Kaleb ta konkistá Hebron i Debir
13Riba òrdu di SEÑOR, Yozue a duna Kaleb, yu di Yefune, un pida tera den e teritorio di tribu di Huda. Kaleb a haña Kiriat-Arba, ku awor yama Hebron. Arba tabata tata di Anak. 14Kaleb a kore ku e tres desendientenan di Anak, esta Sheshai, Ahiman i Talmai.#Huesnan 1:20 15For di ei el a bai ataká e habitantenan di Debir, ántes yamá Kiriat-Sefèr. 16Kaleb a bisa: ‘Esun ku ataká i konkistá Kiriat-Sefèr mi ta laga kasa ku mi yu muhé Aksa.’ 17Otniel, yu hòmber di Kenaz ku ta ruman di Kaleb, a konkistá e siudat. E ora ei Kaleb a lag'é kasa ku su yu muhé Aksa. 18Ora Aksa a yega Debir, el a konvensé Otniel pa pidi Kaleb un pida tera. Ora Kaleb a mira su yu Aksa baha for di buriku el a puntr'é: ‘Kiko bo ke?’ 19Aksa a kontestá: ‘Duna mi un regalo di kasamentu. Ya ku bo a duna mi tera seku, duna mi poko bròn tambe.’ E ora ei Kaleb a dun'é e brònnan ku ta keda den e partinan altu i den e partinan mas abou.
E siudatnan di tribu di Huda
20Ata e propiedat ku tribu di Huda a haña. Nan a parti e teritorio segun famia.
21E siudatnan mas alehá, ku tabata keda na frontera di Edom parti zùit, tabata: Kabseel, Edèr, Yagur, 22Kina, Dimona, Adada, 23Kèdèsh, Hasor, Yitnan, 24Zif, Tèlèm, Bealot, 25Hasor-Hadata i Keriot-Hèsron, esta Hasor, 26Amam, Shema, Molada, 27Hasar-Gada, Hèshmon, Bet-Pèlèt, 28Hasar-Shual, Beer-Shèba ku e siudatnan ku ta pertenesé n'e,#15:28 ku ta pertenesé n'e: segun vershon griego; hebreo tin: Bisyotea 29Baala, Iyim, Esèm, 30Eltolad, Kesil, Horma, 31Siklag, Madmana, Sansana, 32Lebaot, Shilhim, En-Rimon; na tur 29 siudat i nan pueblonan.
33Den vaye di Shefela: Eshtaol, Sora, Ashna, 34Zanoag, En-Ganim, Tapuag, Enam, 35Yarmut, Adulam, Soko, Azeka, 36Shaaraim, Aditaim, Guedera i Guederotaim, esta 14 siudat i nan pueblonan.
37E siudatnan Senan, Hadasa, Migdal-Gad, 38Dilan, Mispa, Yokteel, 39Lakish, Boskat, Eglon, 40Kabon, Lamas, Kitlish 41Guederot, Bet-Dagon, Naama i Makeda, esta 16 siudat ku nan pueblonan.
42E siudatnan Libna, Etèr, Ashan, 43Yiftag, Ashna, Nesib, 44Keila, Akzib i Maresha, esta 9 siudat i nan pueblonan.
45Siudat Ekron ku e siudat- i pueblonan rondó di dje 46i for di Ekron te na laman henter e teritorio serka di Ashdod ku su pueblonan. 47Siudat Ashdod ku e siudat- i pueblonan rondó di dje, tambe siudat Gaza ku e siudat- i pueblonan rondó di dje te na e roi parti ost di Egipto i kosta di Laman Mediteráneo.
48Den e region di seru e hudeonan a haña e siguiente siudatnan: Shamir, Yatir, Soko, 49Dana, Kiriat-Sana (esta Debir), 50Anab, Eshtemoa, Anim, 51Goshen, Holon i Guilo, esta 11 siudat ku nan pueblonan.
52E siudatnan Arab, Duma, Eshan, 53Yanum, Bet-Tapuag, Afeka, 54Humta, Kiriat-Arba (esta Hebron) i Sior, esta 9 siudat ku nan pueblonan.
55E siudatnan Maon, Karmel, Zif, Yuta, 56Yizreel, Yokdeam, Zanoag, 57Kain, Guibea i Timna, esta 10 siudat ku nan pueblonan.
58E siudatnan Halhul, Bet-Sur, Guedor, 59Maarat, Bet-Anot i Eltekon, esta 6 siudat ku nan pueblonan, 60e dos siudatnan Kiriat-Baal, (esta Kiriat-Yearim) i Raba ku nan pueblonan,
61den desierto: Bet-Araba, Midin, Sekaka, 62Nibshan, Ir-Hamelag i En-Gèdi, esta 6 siudat i nan barionan.
63Pero Huda no por a kore ku e yebusitanan ku tabata biba na Herusalèm. P'esei te dia djawe e yebusitanan i e hendenan di Huda a keda biba huntu na Herusalèm.#Huesnan 1:21; 2 Samuel 5:6; 1 Krónikanan 11:4
Currently Selected:
Yozue 15: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
