Hakobo 5
5
Atvertensia na esnan ku ta riku
1Awor boso ku ta riku, tende! Yora i grita pa e desgrasianan ku lo bira basha riba boso! 2Boso rikesa lo para putri i mòt lo kome boso pañanan bunita. 3Boso oro i plata ta pèrdè tur balor; nan frus lo akusá boso i kima den boso karni manera kandela. Boso a hunta rikesa, awor ku mundu ta yegando na su fin!#Sirag 29:10; Mateo 6:19 4Tende, e pago ku boso a keda sin duna e obreronan ku a kosechá pa boso, ta sklama kontra boso, i Señor Todopoderoso a tende reklamo di e trahadónan ei.#Deuteronomio 24:14-15; Sirag 4:6; 35:17 #Sirag 34:21-22 5Durante boso bida aki na mundu, boso a djòdjò den luho i plaser, kome bira manera bestia di kria gòrdá i ata awor dia di matansa a yega! 6Boso a kondená i mata hende inosente ku no por a resistí boso.#Sabiduria 2:10-20
Perseverá ku pasenshi
7Rumannan, tene pasenshi antó te dia Señor bini. Wak ku kuantu pasenshi un kunukero ta warda pa su kunuku produsí kosecha presioso! E sa ku e mester warda te ora e promé i e delaster tempu di awa pasa.#Sirag 6:19 8Boso tambe mester warda ku pasenshi! Para firme, pasobra Señor ta serka di bini! 9No mustra dede riba otro, rumannan, pa Dios no kondená boso; kòrda bon, e Hues ta djis tras di porta ei! 10Rumannan, tuma un ehèmpel riba e profetanan ku a papia den nòmber di Señor: nan a pasa malu na man di hende, pero tòg nan a sigui warda ku pasenshi. 11Nos sa bisa: ‘Felis esnan ku a perseverá no opstante tur kos ku nan a pasa aden.’ Boso a tende kon Job a perseverá#Job 1:21-22; 2:10 i boso a mira kiko Señor tabatin prepará p'e, ya ku Señor ta yen di mizerikòrdia i kompashon.#Salmonan 103:8; 111:4; Sirag 2:11
12Mi rumannan, mi ke enfatisá lo siguiente: No hura! Ni pa shelu, ni pa tera, ni pa nada otro! Laga boso ‘sí’ ta ‘sí’ i boso ‘nò’ ta ‘nò’, pa Dios no kondená boso.#Sirag 23:9; Mateo 5:34-37
13Tin hende serka boso ta sufri? Lag'é resa! Tin hende ta kontentu? Lag'é kanta alabá Dios! 14Tin hende malu serka boso? Lag'é yama e ansianonan di iglesia; laga nan resa p'e i hunt'é ku zeta#Marko 6:13; Lukas 10:34 den nòmber di Señor. 15I e petishon ei, hasí ku fe, ta kura e hende malu; Señor ta lant'é i si el a hasi piká, Señor lo pordon'é. 16P'esei antó, konfesá boso pikánan na otro i resa pa boso haña kura. Orashon di un hende ku ta biba di akuerdo ku boluntat di Dios tin un resultado tremendo.#Sirag 4:25-26 17Elías tabata un hende ku e mes limitashonnan ku nos, pero el a resa pa awa keda sin kai durante tres aña i mei.#1 Reinan 17:1; 18:1; Sirag 48:2-3; Lukas 4:25 18Despues el a bolbe resa, i Dios a laga awa kai#1 Reinan 18:42-45 i tera a produsí kosecha.
19Mi rumannan, si un di boso desviá for di e bèrdat i un otro tres'é bèk, 20sabi ku esun ku trese un pekadó bèk i asina kit'é for di riba mal kaminda, ta salba e pekadó ei su alma di morto i ta hasi ku hopi piká ta haña pordon!#Proverbionan 10:12; 1 Pedro 4:8
Currently Selected:
Hakobo 5: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
