Hakobo 4
4
Amistat ku mundu
1Di unda tur e pleitamentu i bringamentu ku otro ta bini? No ta di boso mal deseonan, ku ta lucha den boso paden? 2Boso ta deseá algu ma no por hañ'é, p'esei boso ta kla pa mata; boso ta envidiá loke un hende tin ma boso no por hañ'é, p'esei boso ta bringa i pleita. Boso no ta haña nada, pasobra boso no ta pidi Dios. 3Te na ora boso pidiÉ mes, boso no ta haña tòg, pasobra boso ta pidi ku mal intenshon: boso ke dispidí loke boso haña pa satisfasé boso mal deseonan! 4Hendenan infiel!#Isaías 1:21; Yeremías 3:6-10; Hoséas 2:2 Boso no sa ku amistat ku mundu ta nifiká enemistat ku Dios?#Mateo 6:24; Lukas 16:13 Esun ku ke bira amigu di mundu ta bira enemigu di Dios! 5Boso ta kere ku ta por nada Skritura ta bisa: ‘Dios ke e spiritu ku El a pone den nos p'E so’?#4:5 Dios ke e spiritu ku El a pone den nos p'E so: E referensia spesífiko na e teksto akí den Tèstamènt Bieu ta deskonosí. Kasi sigur e ke men ku Dios ta stima hende ku un amor ardiente (Éksodo 20:5; Deuteronomio 4:24; Zakarías 8:2). Otro posibel tradukshon: E Spiritu ku Dios a pone den hende ta stima ku amor ardiente.#Éksodo 20:5; Deuteronomio 4:24; Zakarías 8:2 6Pero Dios ta bondadoso i ta duna nos hopi mas, manera Skritura ta bisa:
‘Dios ta resistí esnan orguyoso,
pero E ta duna esnan humilde grasia.’#Proverbionan 3:34; 1 Pedro 5:5
7P'esei someté boso na Dios; resistí diabel i lo e hui bai for di boso. 8Hala serka Dios i E lo hala serka boso. Boso, pekadó, laba boso man; boso ku ke stima Dios i mundu pareu, purifiká boso kurason. 9Rekonosé kon mizerabel boso ta, yora i lamentá; yora na lugá di hari i bira tristu na lugá di ta kontentu. 10Humiliá boso den bista di Señor i lo E alsa boso.#Mateo 23:12; 1 Pedro 5:6
No husga bo ruman
11Rumannan, no papia malu di otro. Esun ku papia malu di su ruman òf husg'é ta papia malu di Lei i ta husga Lei. I si abo ta husga Lei en bes di obedes'é, bo ta hasi bo mes hues riba dje! 12Ta Dios so a duna Lei i E ta e úniko Hues; E so por salba i E so por destruí. Awor abo, ta ken bo ta kere bo ta pa kondená bo próhimo?
No broma
13Anto boso ku ta bisa: ‘Awe òf mañan nos lo biaha bai tal i tal siudat; nos lo keda un aña, hasi negoshi i gana plaka,’ tende akí! 14Boso no sa mes kiko lo sosodé mañan.#Proverbionan 27:1 Boso bida ta manera neblina ku t'ei pa un tempu i djis despues ta somentá!#Sabiduria 2:4; 5:9-13 15Mihó bisa: ‘Si ta Dios su boluntat, nos lo ta na bida i hasi esaki òf esaya!’ 16Pero awor boso ta broma ku boso mes ideanan di grandesa; e bromamentu ei ta robes! 17Si un hende sa kiko ta bon pa hasi, ma ta keda sin hasié, e ta hasi piká.
Currently Selected:
Hakobo 4: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
