Hebreonan 8
8
Hesus ta gransaserdote di un aliansa nobo
1Loke nos ke bisa ta: komo gransaserdote nos tin un persona ku ta sintá na man drechi di trono di Mahestat dibino den shelu.#Salmo 110:1 2E ta sirbi den santuario, den e berdadero tènt sagrado, ku no ta hende a lanta, sino Señor. 3Tur gransaserdote tin komo tarea ofresé sakrifisio i ofrenda; p'esei e gransaserdote akí tambe mester di algu pa ofresé komo sakrifisio. 4Si E tabata na mundu, lo E no tabata saserdote mes, pasobra aya tin saserdote kaba ku ta ofresé sakrifisio preskribí pa lei. 5Pero nan trabou di sirbishi no ta nada mas ku un kopia i un sombra di esun selestial. Esta esaki tabata loke Moises a haña tende di Dios tempu e tabata bai konstruí e santuario: ‘Sòru traha tur kos meskos ku e modelo ku Mi a mustra bo riba seru.’#Éksodo 25:40 6Pero e trabou saserdotal ku Hesus a haña, ta mas elevá; E ta Mediador di un aliansa ku tambe ta mihó, pasobra e ta basá riba mihó promesa. 7Si e promé aliansa no tabatin fayo, esun di dos lo no tabata nesesario. 8Pero Dios ta skual su pueblo, ora E bisa:
‘ “Tende, pronto Mi ta sera un aliansa nobo ku pueblo di Israel i ku pueblo di Huda. 9No un aliansa manera Mi a yega di sera ántes, tempu ku Mi a kohe nan antepasadonan na nan man i saka nan for di Egipto. Pasobra nan no tabata atené nan na e aliansa ei; p'esei Mi no a preokupá mas pa nan,” Señor ta bisa. 10“E aliansa nobo ku Mi ta bai sera ku pueblo di Israel lo ta asin'akí: Mi ta bai pone mi aliansa den nan kurason i grab'é den nan mente. Ami lo ta nan Dios i nan, na nan turno, lo ta mi pueblo,” Señor ta bisa. 11“Lo no tin nesesidat di instruí un konsiudadano òf ruman mas ni di bisa otro: Siña konosé Señor! Pasobra nan tur lo sa ken Mi ta, tur, di chikí te grandi. 12Lo Mi pordoná nan maldatnan i no kòrda mas riba nan pikánan.” ’#Yeremías 31:31-34 13Dor di papia di un aliansa nobo El a deklará esun promé antikuá, i tur kos ku bira bieu i tin hopi aña, ta na punto di disparsé.
Currently Selected:
Hebreonan 8: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
