Predikador 2
2
Plaser ta ilushon
1Mi a pensa den mi mes: ‘Laga mi tèst plaser wak ta kiko e tin aden.’ Pero esei tambe a proba di ta puru ilushon. 2Mi a ripará ku harimentu ta kos di hende bobo, i kiko bo tin na plaser? 3Miéntras sabiduria tabata guia mi mente ainda, mi a buska manera pa zeta mi kurpa ku bibida i a brasa bobedat, te ora mi por a mira kiko ta bon pa hende mortal hasi durante e tiki dianan di nan bida aki riba mundu.
4Tambe mi a hasi kosnan grandioso. Mi a konstruí kasnan pa mi mes#1 Reinan 7:1-12 i a traha hopi hòfi di wendrùif. 5Mi a traha hardin i parke i planta tur sorto di palu di fruta aden. 6Mi a traha baki di awa pa muha e palunan ku tabata spreit den boskenan. 7Mi a kumpra katibu hòmber i muhé i e yunan ku nan tabata haña tambe a bira mi katibu. Tambe mi tabata poseé mas karné, kabritu i baka ku tur mi antesesornan na Herusalèm.#1 Reinan 4:23 8Mi a akumulá oro i plata, presiosidatnan di e reinan di paisnan ku mi tabata goberná.#1 Reinan 9:28; 10:10-22 Mi a sòru pa kantante hòmber i muhé i tambe pa muhé#1 Reinan 11:3 pa dibertí nos ku ta hende hòmber.#1 Reinan 10:23-27; 2 Krónikanan 9:22-27 9Mi tabata mas riku i mas poderoso#1 Krónikanan 29:25 ku tur mi antesesornan na Herusalèm; tòg mi a keda sabí.
10Tur loke mi wowo tabatin gana di mira,
m'a laga nan mira.
Mi n' keda sin gosa.
Por sierto mi a sinti mi kontentu ku tur mi esfuersonan
i esaki tabata mi rekompensa pa tur mi trabou.
11Pero despues mi a mira bèk riba tur loke mi a hasi
i a repasá kuantu molèster e tabata pa mi.
Mi a konkluí ku tur kos tabata un ilushon,
un hungamentu di kore kue ku bientu.
Kiko bo ta logra ku esei?
12Despues mi a kuminsá reflekshoná
riba sabiduria, estupides i bobedat.
Kiko e rei ku sigui por hasi?
Nada otro ku loke ta hasí kaba.
13Mi a bin realisá ku mihó bo ta sabí ku bo ta bobo,
meskos ku bo tin mas na klaridat ku bo tin na skuridat.
14Un hòmber sabí ta mira loke e ta hasi,
pero un hòmber bobo ta dualu den skuridat.
Pero na mes tempu mi a determiná
ku ta mesun kos ta warda nan dos.
15E ora ei mi a pensa den mi mes:
si ta mesun kos ta warda mi ku kualke hende kabes habrí,
ta pakiko mi a hasi tantu esfuerso asina
pa mi bira sabí?
I mi a konkluí pa mi mes:
Na esaki tambe bo ta mira ku bida ta un ilushon.
16Pasobra n' ta keda kòrda semper riba un hende,
sea ku e tabata sabí òf bobo.
Ta lubidá tur dos vapvap.
Ku hende ta sabí òf bobo,
muri nos tur ta muri.
17I mi a haña asko di bida, mi a eksperensiá tur e matamentu di kurpa aki na mundu manera un mizeria grandi, pasobra tur kos ta ilushon i un hungamentu di kore kue ku bientu. 18Mi tabata disgustá den tur kos ku mi a mata kurpa p'e aki na mundu, pasobra mi no por bai ku nan, mi mester laga nan atras pa esun ku ta sigui mi. 19I un kos tabata sigur: si e hende tabata sabí òf bobo, lo e bira doño di tur kos ku mi a logra alkansá ku tantu trabou i sabiduria den e mundu akí. I esei ta apsurdo! 20Ora mi a mira kiko mi a alkansá den e mundu akí, mi a keda desilushoná di a traha tantu asina. 21Pasobra un hende sa di logra algu ku hopi molèster i esfuerso, ku sintí i konosementu, anto e mester lag'é atras pa un otro, ku no a hasi nada nada p'e, pero tòg ta sali di bon. Aki bo ta bolbe mira: tur kos ta bientu i un abusu formal. 22Pasobra en realidat kiko e hende ta gana ku tur e matament'i kurpa i ku tur su esfuersonan? 23Su bida ta trese fèrdrit so p'e,#Job 5:7; 14:1 su trabou n' ta dun'é nada mas ku mizeria; asta anochi e n' ta haña sosiegu. Esei tambe ta apsurdo!
24Úniko kos ku ta keda ta kome, bebe#Predikador 3:13; 5:18; 9:7; Isaías 56:12; Lukas 12:19; 1 Korintionan 15:32 i gosa di loke bo a mata kurpa p'e. I mi a komprondé ku asta esei ta den man di Dios. 25Pasobra ken por kome òf bebe sin Dios? 26Pasobra Dios ta duna komprondementu, konosementu#Job 32:8; Proverbionan 2:6 i legria na esnan ku ta tende di djE. Pero esnan ku no ta obedes'É, E ta laga traha i spar pa e hende ku sí ta tende di djE.#Job 27:16-17; Proverbionan 13:22; Sirag 2:16 Matament'i kurpa tambe ta ilushon, hungamentu di kore kue ku bientu.
Currently Selected:
Predikador 2: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013