2 Reinan 25
25
1Riba di dies dia di e di dies luna den e di nuebe aña di reinado di Sedekías, rei Nebukadnèsar di Babilonia a sali ku henter su ehérsito pa bringa kontra Herusalèm. Aya el a lanta su kampamentu i a traha muraya rònt di e siudat pa siti'é.#Yeremías 21:1-10; 34:1-5; Ezekiel 24:2 2Nan a keda aya te den e di diesun aña di reinado di Sedekías.
3E aña ei riba e di nuebe dia di e di kuater luna#25:3 di e di kuater luna: segun Yeremías 52:6. Den e teksto hebreo no tin e palabra kuater. ora hamber a bira asina grandi den siudat, ku ya e hendenan di kunuku, ku a hui bini siudat, no tabatin nada mas di kome, 4e sòldánan di Nebukadnèsar a habri un buraku den e muraya di siudat.#Ezekiel 33:21 Ounke e kaldeonan akí tabata rondoná e siudat, rei Sedekías i tur e sòldánan a logra hui#25:4 rei…hui: segun vershon griego; hebreo tin: tur e sòldánan a logra hui den anochi dor di e porta meimei di e dos murayanan, banda di hardin di rei. Nan a kohe direkshon di vaye di Yordan. 5Ma e ehérsito di kaldeo a persiguí rei Sedekías i a alkans'é den sabana di Yériko. Nan a separá henter e ehérsito for di dje i a plama tur e sòldánan for di otro. 6Nan a kohe Sedekías prezu i a hib'é dilanti di rei di Babilonia, ku tabata na Ribla. Aya nan a sentensiá Sedekías. 7Dilanti Sedekías nan a mata su dos yu hòmbernan. Despues Nebukadnèsar a saka Sedekías su wowo, mar'é ku dos kadena di bròns i hib'é Babilonia.#Ezekiel 12:13
Destrukshon di tèmpel
(2 Krónikanan 36:17-21; Yeremías 39:8-10; 52:12-30)
8Riba e di shete dia di e di sinku luna den e di diesnuebe aña di reinado di Nebukadnèsar, Nebuzaradan ku tabata komandante di guardia real i ofisial di konfiansa di rei a yega Herusalèm. 9El a sende tèmpel di SEÑOR#1 Reinan 9:8 i palasio real na kandela i kima tur e kasnan den siudat, spesialmente esnan di e hendenan prominente. 10E ehérsito di e kaldeonan ku tabata bou di su mando a basha tur e murayanan di Herusalèm abou. 11Nebuzaradan a deportá e tiki hendenan ku a sobra den siudat. Tambe esnan ku a bai na fabor di rei di Babilonia. 12Solamente algun di esnan mas pober, Nebuzaradan a laga keda atras pa traha den e hòfinan di wendrùif i den e kunukunan.#Deuteronomio 4:27-28; 28:36
13E kaldeonan a kibra e pilánan di bròns, tambe#1 Reinan 7:15-22; 2 Krónikanan 3:15-17 e garoshinan ku tabata karga e bakinan di awa i e pila di bròns, yamá laman,#1 Reinan 7:23-26; 2 Krónikanan 4:2-5 ku tabatin den tèmpel di SEÑOR. Nan a hiba e bròns Babilonia. 14Nan a bai tambe ku e palangananan, e skèpnan, e kuchúnan i e skalchinan i tur otro artíkulo di bròns, ku tabata usa pa sirbishi.#1 Reinan 7:45; 2 Krónikanan 4:16 15E komandante di guardia real a bai tambe ku e panchinan pa pone kandela, e kòmchinan pa sprengu sanger i tur kos ku tabata di oro òf di plata. 16No por a kalkulá peso di e pila grandi pa pone awa i e garoshinan ku Salomon a laga traha pa tèmpel di SEÑOR na bròns. 17Kada pilá tabata nuebe meter altu i riba kada un tabatin un kapitel di un meter i mei altu, trahá di bròns. E kapitel tabata rondoná di un trali iflèktu, dòrná ku granatapel, tambe tur di bròns. E dos pilánan tabata igual.
Nan ta deportá pueblo di Huda
18E komandante di guardia real a kohe gransaserdote Seraías prezu i huntu kuné saserdote Sofonías, ku tabata sigui Seraías den rango i tambe e tres saserdotenan, ku tabata guardia na entrada di tèmpel. 19Entre e hendenan ku nan a kohe prezu den siudat tabatin tambe: un funshonario di korte ku tabatin mando riba e ehérsito, sinku konsehero di rei, sekretario di e ofisial ku tabata yama e hendenan pa servisio militar i sesenta hòmber di kunuku. 20Nebuzaradan a hiba nan dilanti di rei di Babilonia, ku tabata na Ribla den teritorio di Hamat. 21Aya rei di Babilonia a laga mata nan. Di e manera akí nan a saka pueblo di Huda for di su pais.
Sobrá hende ta hui bai Egipto
(Yeremías 40:7-10; 41:1-3,16-18)
22Rei Nebukadnèsar di Babilonia a nombra Guedalías, yu di Ahikam i ñetu di Shafan, komo hefe riba e hendenan di Huda ku Nebukadnèsar a laga keda aya. 23Ora hefe i e sòldánan di ehérsito di Huda a haña sa esaki, nan a bai serka Guedalías na Mispa. Nan tabata: Yishmael, yu di Netanías, Yohanan, yu di Karea, Seraías, yu di Tanhumèt di e lugá Netofa, i Yaazanías, yu di un hòmber di Maaka, kompañá pa nan sòldánan. 24Guedalías a hura ku ni nan ni nan sòldánan no tabatin mester di tin miedu di e ofisialnan kaldeo. El a bisa nan: ‘Keda biba den e pais i someté boso na rei di Babilonia, e ora ei lo bai boso bon.’
25Pero den e di shete luna Yishmael, yu di Netanías i ñetu di Elishama ku tabata pertenesé na famia real di Huda, a yega Mispa ku dies hòmber i a mata Guedalías i tur e hendenan di Huda i e kaldeonan ku tabata serka dje. 26E ora ei henter e pueblo, grandi i chikí, huntu ku e ofisialnan di ehérsito a bai Egipto pa miedu di e kaldeonan.#Yeremías 43:5-7
Yoyakin ta haña libertat i honor na Babilonia
(Yeremías 52:31-34)
27Den e aña ku Ewil-Merodak a bira rei di Babilonia, el a pordoná Yoyakin, rei di Huda, i sak'é for di prizòn. Tabata riba e di bintishete dia den e di diesdos luna di e di trintishete aña ku Yoyakin tabata den eksilio. 28Ewil-Merodak a papia bon ku Yoyakin i a fabores'é riba e otro reinan ku tabata huntu kuné na Babilonia, 29Yoyakin a haña pèrmit pa kita su paña di prezu, i por a sinta kome ku rei pa restu di su bida. 30Ademas riba òrdu di rei, Yoyakin a haña su mantenshon di tur dia pa restu di su bida.
Currently Selected:
2 Reinan 25: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
