1 Samuel 8
8
Israel ta deseá un rei
1Ora ku Samuel a bira bieu el a nombra su yunan komo hues di Israel. 2Su yu mayó tabata yama Yoel, i e di dos Abías; tur dos tabata hues na Beer-Shèba. 3Sinembargo nan no a sigui ehèmpel di nan tata; nan tabata haragan, kla pa soborno i nan tabata violá regla di hustisia. 4Ta p'esei tur e ansianonan di Israel a reuní i nan a bai serka Samuel na Rama 5pa bis'é: ‘Abo ta un hòmber bieu kaba i bo yunan no ta sigui bo ehèmpel; p'esei nos ke pa bo nombra un rei pa goberná nos, manera ta e kaso den tur otro nashon.’#Deuteronomio 17:14
6Tur disgustá, pasobra nan a pidié nombra un rei pa goberná nan, Samuel a resa na SEÑOR. 7Pero SEÑOR a rospond'é: ‘Kumpli ku kualke petishon ku pueblo hasi bo, pasobra no ta abo nan ta rechasá, sino Ami; ta Ami nan no ke pa reina mas riba nan. 8For di dia ku Mi a saka nan for di Egipto te dia djawe, nan a hasi ku Mi meskos ku nan ta hasiendo ku bo awe, pasobra nan a bandoná Mi pa bai sirbi otro dios. 9Kumpli ku nan petishon numa, pero sí, spièrta nan seriamente i bisa nan bon kla kon e rei lo goberná nan.’
10E ora ei Samuel a partisipá e kontesta di SEÑOR na e pueblo ku tabata pidié un rei. 11El a bisa nan: ‘Esaki ta loke boso por spera di e rei ku ta bai goberná boso. Lo e manda buska boso yu hòmbernan. Algun di nan lo e manda kore garoshi di guera, otro lo sirbi den kabayeria i otro lo e manda kana dilanti di su garoshi. 12Algun di boso lo e nombra hefe di 1000 sòldá i algun otro hefe di 50 sòldá. Lo e pone boso plug su teranan, kosechá, traha su armanan i drecha material pa su garoshinan di guera. 13Boso yu muhénan lo sirbié komo perfumista, kòki i panadero. 14Lo e kita e mihó kunukunan, hòfinan di wendrùif i oleifi for di boso pa duna su sirbidónan personal. 15Lo e kobra un désimo parti di boso kosecha di trigo i di wendrùif pa duna e funshonarionan di su korte i su sirbidónan. 16Lo e kita boso katibunan, hòmber i muhé, i boso mihó bakanan#8:16 bakanan; segun vershon griego; hebreo tin: yònkumannan i burikunan for di boso pa nan traha p'e. 17Lo e eksigí e désimo parti di boso karné- i kabritunan i boso mes lo tin ku sirbié komo katibu. 18I dia boso yora malai pa motibu di e rei ku boso mes a skohe, SEÑOR lo no skucha boso.’
19Pero e pueblo a bula rospondé, sin tene kuenta ku e atvertensia di Samuel: ‘N' ta nada; ta un rei nos ke, 20pa nos por ta meskos ku otro nashon, pa e goberná nos i bai nos dilanti pa dirigí nos gueranan.’
21Ora ku Samuel a tende e palabranan di e pueblo, el a ripití nan pa SEÑOR tende i 22SEÑOR a rospondé: ‘Kumpli ku nan petishon i duna nan un rei.’
E ora ei Samuel a manda tur israelita nan mes siudat bèk.
Currently Selected:
1 Samuel 8: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
