Ɖɛhan 4
4
Mawu Mavɔmavɔ wɛ nɔ ná vivo mɛ
1Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ; è nɔ ji bó nɔ́ xo kanhún d'é mɛ.
2Mawu, hwi wɛ nɔ ɖe xlɛ́ ɖɔ un nyí hwɛjijɔnɔ.
Un sú xó ylɔ́ we hǔn, yǐ gbe nú mì.
Kɛ́mɛ dó ablu dó mì ɔ́, a nɔ hwlɛ̌n mì!
Kú nǔbláwǔ ce, bó se ɖɛ ce!
3Gbɛtɔ́ e mi, káká hwetɛ́nu mi ná zé susu ce xo kɔ́ yi jɛ?
Káká hwetɛ́nu mi ná yí wǎn nú nǔmaɖinǔ lɛ́ɛ yi jɛ?
Mi ná ɖo adingban ɖó wɛ káká yi jɛ hwetɛ́nu? Agbɔ̌n
4Mi bo tunwun ɖɔ Mawu Mavɔmavɔ wɛ ɖe gbejínɔtɔ́ tɔn ɖó vo nú éɖée.
Un sú xó ylɔ́ ɛ ɔ́, é nɔ́ se.
5 Mi sin xomɛ hǔn, mi ma hu hwɛ ó.
Mi yi xɔ hǔn, kɔɖónú mitɔn ní ɖɔ xó nú mi,
bónú mi nɔ abwɛ̌. Agbɔ̌n
6Mi sá vɔ̌ lě e sɛ́n ɔ́ zɔ́n gbɔn é,
bó ɖeji dó Mawu Mavɔmavɔ wú.
7Mɛ gěgé nɔ́ ɖo vo sa wɛ ɖɔ:
“Mɛ̌ wɛ ná xlɛ́ nyɔ̌ná li ɔ́ mǐ?
Mawu Mavɔmavɔ, blǒ bónú nukún mɛ towe sín wěziza ní hɔ́n dó mǐ jí.”
8Awǎjijɛ e a nɔ sɔ́ dó ayi nyɛtɔn mɛ ɔ́,
nɔ́ hú gǎn éé yědɛɛ lɛ́ɛ nɔ́ mɔ hwenu e blěe yětɔn kpó vɛ̌ɛn yětɔn yɔ̌yɔ́ ɔ́ kpó nɔ́ túnflá é.
9Vivo mɛ wɛ un nɔ mlɔ́ ayǐ ɖe.
Un mlɔ́ ayǐ lě tlóló ɔ́, un nɔ dɔ́ amlɔ,
ɖó Mawu Mavɔmavɔ, hwi ɖokpónɔ wɛ nyí ahohó ce.
Currently Selected:
Ɖɛhan 4: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
