Ɖɛhan 3
3
Kɛntɔ́ lɛ́ lɛ̌ dó mì
1 Han élɔ́ ɔ́, Davídi wɛ ji hwenu e é ɖo hinhɔn ɖo vǐ tɔn Abusalɔ́mu nukɔn wɛ é.
2Mawu Mavɔmavɔ, kɛntɔ́ ce lɛ́ɛ sukpɔ́ mɛ nya!
Mɛ e sí te dó jǐ ce lɛ́ɛ sukpɔ́ lóóo!
3Yě ɖo kpɔ́ gégé, yě nɔ́ ɖɔ dó wǔ ce ɖɔ:
“Hwlɛngán ɖokpó ná gosín Mawu gɔ́n wá n'i ǎ.” Agbɔ̌n
4Amɔ̌, hwɛ Mawu Mavɔmavɔ ɔ́, hwi wɛ nyí gǎglónú ce.
Hwi wɛ nyí susu ce,
hwi wɛ nɔ ná akɔ́nkpinkpan mì.
5Un nɔ sú xó ylɔ́ Mawu Mavɔmavɔ,
bɔ é nɔ́ yí gbe nú mì sín só mímɛ́ tɔn jí. Agbɔ̌n
6Un nɔ mlɔ́ ayǐ, bó nɔ́ dɔ́ amlɔ bó nɔ́ fɔ́n,
ɖó Mawu Mavɔmavɔ wɛ ɖo hinhɛn mì wɛ.
7Un ɖi xɛsi nú mɛ wɔ̌buwɔ́bú e ján go dó mì lɛ́ɛ ǎ.
8Mawu Mavɔmavɔ, Mawu ce, sí te, hwlɛ̌n mì,
ɖó hwi wɛ nɔ xo tómɛ nú kɛntɔ́ ce lɛ́ɛ,
hwi wɛ nɔ wɛ́n aɖǔ mɛdídá lɛ́ɛ.
9Mawu Mavɔmavɔ, hwi sí wɛ hwlɛngán ɔ́ ɖe,
ɖɛ towe ní nɔ togun towe jí. Agbɔ̌n
Currently Selected:
Ɖɛhan 3: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
