Salmo 99
99
SALMO 99
SEÑOR ta e rei di mas santu
1SEÑOR ta Rei! — Laga pueblonan tembla.
Kerubinnan ta su trono! — Laga tera sakudí.#Éksodo 25:18-22; 1 Samuel 4:4; Salmo 80:1; Isaías 37:16
2SEÑOR ta grandi riba Seru di Sion,
E ta altu elevá riba tur nashon.
3Bo nòmber grandi i mahestuoso sea alabá:
‘Ta santu E ta!’
4Rei den su poder ta stima hustisia,
t'Abo a fiha derecho imparsial!
B'a trata yunan di Yakob ku hustisia i derecho.
5Alsa SEÑOR nos Dios,
kai abou na pia di su trono:
‘Ta santu E ta!’
6Moises i Aaron tabata su saserdote,
Samuel un di esnan ku a yama su nòmber:
nan a sklama na SEÑOR i El a kontestá nan.
7Fo'i den kolumna di nubia El a papia ku nan#Éksodo 33:9
i nan a kumpli ku e òrdunan i e lei k'El a pone.
8SEÑOR, nos Dios, Bo a duna nan kontesta;
Bo tabata pa nan un Dios di pordon,
pero tambe Un ku ta venga nan maldatnan.
9Alsa SEÑOR nos Dios,
kai abou dilanti di su seru santu:
‘Santu ta SEÑOR, nos Dios!’
Currently Selected:
Salmo 99: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
