Salmo 98
98
SALMO 98
Dios ta rei, un guerero viktorioso
Un Salmo.
1Kanta pa SEÑOR un kanto nobo:
El a hasi milager;
su man fuerte, su brasa santu
a trese viktoria!
2SEÑOR a revelá su salbashon,
su hustisia na tur pueblo,
3rekordando su amor i fieldat
ku pueblo di Israel.
Tur skina di mundu a mira
viktoria di nos Dios!#Isaías 52:10
4Kanta kontentu pa SEÑOR, henter mundu,
grita, hubilá, kanta himno.#Salmo 100:1
5Kanta himno pa SEÑOR, toka siter,
toka siter, pik e kuèrdènan.
6Riba tono di kachu i tròmpèt
hubilá Rei i SEÑOR.
7Laga laman i su rikesa alsa bos,
mundu i tur su habitantenan;
8-9riunan tin ku bati man
serunan uni tur huntu
pa kanta gloria di SEÑOR,#Isaías 44:23
pasobra E ta yega
pa dikta sentensia riba mundu.
Mundu i nashonnan
lo E husga ku derecho imparsial.
Currently Selected:
Salmo 98: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
