Salmo 95
95
SALMO 95
Ban alabá SEÑOR i skucha su palabra
1Ban kanta ku legria pa SEÑOR,
grita saludá nos Baranka,
nos Dios ku ta trese salbashon.
2Ban presentá Su dilanti ku alabansa,
kanta su gloria ku salmo i músika.
3Pasobra SEÑOR ta un gran Dios,
un Rei grandi riba tur otro dios!
4E tin fondo di tera den su man,
kabes di serunan tambe ta di djE.
5Di djE ta laman, t'E a trah'é;
i tera firme, ta su man a model'é.#Salmonan 24:1-2; 89:11-12
6Ban kai na rudia ador'É,
hinka rudia pa SEÑOR, nos Kreador,
7pa motibu ku E ta nos Dios
i nos ta e pueblo k'E ta kuida,
e karnénan guiá pa su man.
Awe boso skucha su bos:
8‘No sera kurason,#Hebreonan 3:15; 4:7 manera na Meriba,
manera e dia ei na Masa den desierto,
9ora boso grandinan a tenta i provoká Mi,#Éksodo 17:1-7; Numbernan 20:2-13; Salmo 106:32-33
ounke nan a mira mi obranan.
10Kuarenta aña largu e pueblo a disgustá Mi.
Mi di: “Esta un pueblo solo birá!
Nan no kièr konosé mi kamindanan.”#Numbernan 14:20-23,33; Deuteronomio 1:34-36; Hebreonan 4:3,5
11P'esei, den mi rabia, Mi a hura pa Mi mes:
E lugá di deskanso ku M'a warda pa nan,#Deuteronomio 12:9-10
hamas i nunka nan lo n' drenta den dje.’#Hebreonan 3:7-11
Currently Selected:
Salmo 95: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
