Salmo 82
82
SALMO 82
Ni maske un hende ta kere e ta dios, ta ún so tin!
Salmo di Asaf.
1Dios ta pará den konseho dibino
meimei di diosnan E ta dikta sentensia.
2‘Ki dia boso ta stòp
di saka sentensia falsu
i di skohe banda di malbadonan?
3Hasi hustisia na pober i wérfano,
defendé hende den apuro i sin amparo.#Éksodo 23:6; Deuteronomio 1:17
4Libra hende débil i pober,
ranka nan for di man di mal hende.’
5Nan no sa ni nan no ta komprondé,
ta den skuridat nan ta kana;
tur fundeshi di mundu ta tembla.
6Mi di: ‘Boso ta dios,#Huan 10:34
yu di Altísimo, tur?
7Sinembargo boso lo muri
manera hende i boso lo kai
manera kualke mandatario!’
8Lanta, o Dios, husga mundu,
pasobra Bo ta doño di tur pueblo.
Currently Selected:
Salmo 82: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
