Salmo 81
81
SALMO 81
Dios ke pa nos kanta su gloria i skucha su mensahe
Pa maestro di kanto. Na weis di Gat. Di Asaf.
1Kanta di legria pa Dios, nos forsa,
kanta gloria di Dios di Yakob.
2Entoná un salmo riba tono di tambú,
di arpa melodioso i di lira.
3Toka kachu ora luna ta nobo,
ku luna yen, nos gran dia di fiesta.#Numbernan 10:10
4Pasobra asina ta lei pa Israel,
t'e mandamentu di Dios di Yakob.
5El a hasié un dekreto pa Jozef,
ora El a sali kontra tera di Egipto.
Mi a tende un stèm ku mi n' ta'ta konosé:
6‘Mi a baha e karga fo'i bo lomba.
Mi a libra bo mannan dje makutu pisá.
7Den bo ansha bo a grita i Mi a salba bo,
skondí den ronkamentu di bos M'a kontestá Bo,
na fuente di Meriba Mi a sa ken bo ta.#Éksodo 17:7; Numbernan 20:13
8Tende, mi pueblo, Mi ke avisá Bo,
mare bo skucha Mi, Israel!
9Boso no sirbi un Dios strañero,
no adorá un Dios di afó.#Éksodo 20:2-3; Deuteronomio 5:6-7
10Ami ta SEÑOR, bo Dios,
Esun ku a saka bo for di tera di Egipto;#Éksodo 20:2
habri bo boka i lo Mi yen'é.
11Pero mi pueblo no a skucha mi bos,
Israel no a tende di Mi.
12M'a laga nan pa nan kuenta pa nan sigui nan kièr,
pa nan sigui nan mes idea.
13Ai, mare mi pueblo a skucha Mi
i Israel por a sigui mi kamindanan!
14Lo M'a humiliá su enemigunan mesora
i hisa man kontra su opresornan.
15Nan ku ta odia SEÑOR lo a trastia kunÉ,
ma nan kastigu lo a dura pa semper.
16Ma mi pueblo lo M'a#81:16 M'a: teksto probabel; hebreo tin: El a kria ku manteka di trigo
i yen'é ku stropi fo'i baranka.’
Currently Selected:
Salmo 81: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
